વાવાઝોડું / 'વાયુ'ની આફતથી બચવા 2.15 લાખ લોકોનું કરાયું સ્થાળાંતર, ભાવનગરથી લઇને કચ્છ સુધી તંત્ર સજ્જ

અરબ સાગરથી શરૂ થયેલું વાવાઝોડું ગુજરાતના દરિયાકાંઠે ઝડપથી આવી રહ્યું છે. આ મહારાષ્ટ્રથી ગુજરાત તરફ આગળ વધી રહ્યું છે. હવામાન વિભાગના જણાવ્યા અનુસાર, 13 જૂને ગુજરાતના દરિયાકાંઠાના વિસ્તારોમાં પોરબંદર અને કચ્છ વિસ્તારમાં પહોંચવાની સંભાવના છે. આ વચ્ચે પરિસ્થિતિનો કરવા માટે અંદાજિત 3 લાખ લોકોનું રેસ્ક્યૂ કરવા માટે સેના અને એનડીઆરએફ તૈનાત છે. 

જેમ-જેમ ચક્રવાત વાયુ નજીક આવી રહ્યું છે તેમ તેમ સ્થિતિ ખરાબ બનતી જઈ રહી છે. આફત આવી રહી છે તેનો સામનો કરવા માટે લોકો તૈયાર રહે. સોમનાથ મંદિર અને તેની આસપાસ જોરદાર પવન ફુંકાય રહ્યો છે. પવનની ગતિને જોતા સોમનાથ મંદિરના ટ્રસ્ટીઓએ શ્રદ્ધાળુઓને સલામત સ્થળે ખસેડવાનું શરૂ કર્યું છે.

અધિક મુખ્ય સચિવ પંકજ કુમારની પ્રેસ કોન્ફરન્સ 
આ મામલે અધિક મુખ્ય સચિવ પંકજ કુમારે પ્રેસ કોન્ફરન્સ યોજી હતી. તેમણે જણાવ્યું કે 2.15 લાખ લોકોને સ્થળાંતર કરાયુ છે. વાયુ વાવાઝોડાને લઈને તંત્ર સજ્જ છે. લોકોનો પણ સાથ સહકાર મળી રહ્યો છે. પોલીસ આખી રાત પેટ્રોલિંગ કરતુ રહેશે. વિસ્તારમાંથી લોકોને ખસેડાયા ત્યાંની સુરક્ષા પણ જળવાશે. NDRFની 36 તથા વધારાની 11 ટીમો આવી ગઈ છે. SDRFની ટીમ પણ સજ્જ બનાવાઈ છે. BSFની 2 કંપની, 6 SRP, મરીન કમાંડો 300 સજ્જ કરાશે. 9 હેલિકોપ્ટર પણ બચાવ કાર્યમાં જોડાશે. દ્વારકા, પોરબંદર, સોમનાથના 10 હજાર પ્રવાસીઓને ખસેડાયા છે. 250 એસ.ટીની ટ્રીપોથી પ્રવાસીઓને ખસેડાયા છે. 

વધુમાં તેમણે કહ્યું કે, 13 અને 14 જૂને સુરક્ષિત સ્થાને રહેવા લોકોને અપીલ કરવામાં આવી છે. જોખમી સ્થળોએ લોકોને જવાનું ટાળવા સુચનો કરાયા છે. વિસ્તારોમાં કોમ્પુનિકેશન ન ટૂટે તેવી તમામ વ્યવસ્થાઓ કરાશે. શહેરી વિસ્તારોમાં હોર્ડિંગ્સ ઉતારી લેવાયા છે. RMDની 80 ટીમ 61 જગ્યાઓ પર કાર્યરત રહેશે. ફૂડ પેકેટ સહિતની તમામ વ્યવસ્થાઓ કરી દેવાઈ છે. વાવાઝોડાની દિશામાં ફેરફાર હોય તો પણ તંત્ર તમામ જગ્યાએ સજ્જ છે. ભાવનગરથી લઈને કચ્છ સુધી તમામ જગ્યાએ તંત્ર તૈયાર છે.
 

Live: Gujarat CM Shri @vijayrupanibjp briefing media on the preventive measures and readiness of the state to deal with Cyclone Vayu. https://t.co/FCo8fYTQDe

— BJP Gujarat (@BJP4Gujarat) June 12, 2019

વાવાઝોડાને લઇને લાખો લોકોનું કરવામાં આવ્યું સ્થળાંતર
વાવાઝોડાને લઇને 10 જિલ્લાના 1,64,090 લોકોનું સ્થળાંતર કરાયું છે. મોરબીના 4,387, ભાવનગરના 23,267, જૂનાગઢમાં 16,013, ગીર સોમનાથના 6 તાલુકાઓમાં 18058 લોકોનું સ્થળાંત્તર, વેરાવળમાં 4205, સુત્રાપાડામાં 2870, કોડીનારમાં 4134 લોકોનુ સ્થળાંત્તર, ઉનામાં 6665, ગીર ગઢડામાં 184 લોકોનુ સ્થળાંતર કરવામાં આવી રહ્યું છે, હજુ પણ સ્થળાંતર પ્રકિયા ચાલુ છે. જ્યારે જામનગરમાં 11,653, અમરેલીમાં 20,806, કચ્છના 17,982, પોરબંદરના 19,998, રાજકોટના 3,436 લોકોનું સ્થળાંતર કરીને સલામત સ્થળે ખસેડવામાં આવ્યા છે. સૌથી વધુ દેવભૂમિ દ્વારકાના 28,490 લોકોનું સ્થળાંતર કરવામાં આવ્યું છે.

ભાવનગર વાવાઝોડાને લઈ વહીવટી તંત્ર દ્વારા લોકોનુ સ્થળાંત્તર 
વાયુ વાવાઝોડાને લઈને ભાવનગરમાં તંત્ર એલર્ટ થઈ ગયું છે. વાવાઝોડાના પગલે ખુલ્લા જવાહર મેદાનમાં ઝૂંપડપટ્ટીમાં રહેતાં લોકોનું સ્થળાંતર કરવામાં આવ્યું છે.

સૂત્રાપાડાના ધામરેજ બંદર સુધી પાણી પહોંચ્યા 
ગીર સોમનાથાના સૂત્રાપાડામાં દરિયા કિનારાના ઘરો સુધી દરિયાના પાણી ઘુસ્યા છે. ઘરોમાં પાણી ઘુસ્યા હોવા છતાં લોકો વિસ્તાર ખાલી કરવા તૈયાર નહીં. પોલીસ સાથે તંત્ર લોકોને સ્થળાંતર કરાવવા પહોંચ્યા છે.

કંટ્રોલરૂમ નંબરની યાદી.

ગાંધીનગર કંટ્રોલ રૂમ

• 079 23276943
• 07923276944

સૌરાષ્ટ્ર કંટ્રોલ રૂમ

• 0281 2239685
• 0281 2237500

હેલ્પ લાઇન નંબર:

• ગીર સોમનાથ - 02876-285063/64 
• વેરાવળ - 02876- 244299 
• તલાળા - 02877- 222222
• સૂત્રાપાડા - 02876-263371
• કોડિનાર - 02895- 221244 
• ઉના - 02875-222039 
• ગીર ગઢડા - 02875-243100
• દ્વારકા - 02833 - 232125
• જામનગર - 0288 - 2553404
• પોરબંદર - 0286 - 2220800
• દાહોદ - 02673 - 239277
• નવસારી - +91 - 2637 259 401
• પંચમહાલ - +91 2672 242 536
• છોટા ઉદેપુર - +91 2669 233 021
• કચ્છ - 02832 - 250080
• રાજકોટ - 0281 - 2471573
• અરવલ્લી - +91 2774 250 221