NRI news / અમેરિકામાં ગેરકાયદે રહેતા લોકોને કરાશે વતન ભેગાં, ટ્રમ્પના ખાસ ભારતવંશીએ કર્યું મોટું એલાન

અમેરિકાના નવા ચૂંટાયેલા રાષ્ટ્રપતિ ડોનાલ્ડ ટ્રમ્પ ગેરકાયદેસર શરણાર્થીઓને તેમના દેશમાં પાછા મોકલવાની યોજના ધરાવે છે. ટ્રમ્પના ટોચના ભારતીય-અમેરિકન સહયોગી વિવેક રામાસ્વામીએ તેનું સમર્થન કર્યું છે. તેમણે કહ્યું કે અમેરિકાની કાનૂની ઇમિગ્રેશન સિસ્ટમ 'તૂટેલી' છે. રામાસ્વામીએ કહ્યું કે જે લોકો અમેરિકામાં પ્રવેશ કરતી વખતે કાયદો તોડે છે તેમને અહીં રહેવાનો કોઈ અધિકાર નથી અને તેમને તેમના દેશમાં પાછા જવું પડશે.

ઉદ્યોગસાહસિકમાંથી રાજકારણી બનેલા રામાસ્વામીએ મીડિયામાં આપેલ ઈન્ટરવ્યુંમાં કહ્યું હતું કે,શું આપણી પાસે કાનૂની ઈમિગ્રેશન સિસ્ટમ તૂટેલી છે? પરંતુ મને લાગે છે કે પહેલું પગલું કાયદો અને વ્યવસ્થાને પુનઃસ્થાપિત કરવાનું હશે, આ ખૂબ જ વ્યવહારુ રીતે કરવું પડશે.

લોકો પોતે જ અમેરિકા છોડી દેશે

ટ્રમ્પના નજીકના વિશ્વાસુ ભરતવંશીએ કહ્યું, છેલ્લા કેટલાક વર્ષોમાં જે લોકો આવ્યા છે તેઓ દેશમાં મૂળિયા સ્થાપિત કરી શક્યા નથી. જેમણે ગુના કર્યા છે તેમણે આ દેશની બહાર જવું જોઈએ. આ પોતાનામાં સૌથી મોટું સામૂહિક પ્રત્યાર્પણ હશે. આ સાથે તમામ ગેરકાયદેસર શરણાર્થીઓને મળતી સરકારી સહાય બંધ કરવામાં આવશે. તમે જોશો કે લોકો પોતે જ દેશ છોડી જશે.

ટ્રમ્પ વહીવટમાં વિવેક રામાસ્વામીની ભૂમિકા શું હશે?

5 નવેમ્બરે યોજાયેલી રાષ્ટ્રપ્રમુખની ચૂંટણીમાં ટ્રમ્પની જંગી જીત બાદ પ્રથમ વખત રામાસ્વામી રવિવારે અનેક મીડિયા કાર્યક્રમોમાં દેખાયા હતા. તેમણે કહ્યું કે તેઓ વહીવટીતંત્રમાં તેમની ભાવિ ભૂમિકાને લઈને ઉચ્ચ સ્તરે વાતચીત કરી રહ્યા છે. રામાસ્વામી, જે રિપબ્લિકન પાર્ટીની પ્રાથમિક ચૂંટણીમાં ટ્રમ્પના હરીફ હતા, હવે તેમના કટ્ટર સમર્થક અને વિશ્વાસપાત્ર તરીકે ઉભરી આવ્યા છે.

વધુ વાંચોઃગુડ ન્યૂઝ: 2025 સુધીમાં વગર વિઝાએ ભારતીયોને મળી શકે છે આ દેશમાં જવાની તક, જાણો વિગત

રામાસ્વામીએ કહ્યું, મને લાગે છે કે તેઓ (ટ્રમ્પ) દેશને એક કરવા વિશે વિચારે છે. મને લાગે છે કે આ ડોનાલ્ડ ટ્રમ્પનો મુખ્ય ઉદ્દેશ્ય છે. તેણે પહેલી ટર્મથી પણ ઘણું શીખ્યું છે અને મને લાગે છે કે તે બીજી ટર્મમાં કેટલીક એવી બાબતોને નવી ઊંચાઈ પર લઈ જશે જે તે પ્રથમ ટર્મમાં હાંસલ કરી શક્યો ન હતો, જે મને લાગે છે કે તે એક સારી બાબત છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ