બૂસ્ટર ડોઝ / સૂત્ર: ગુજરાતના આ શહેરમાં દિવાળી પછી લોકોને બૂસ્ટર ડોઝ મળશે, જાણો પહેલા કોને પ્રાથમિકતા અપાશે

• અમદાવાદના લોકોને બૂસ્ટર ડોઝ મળે તેવી શક્યતા 
• દિવાળી પછી લોકોને બૂસ્ટર ડોઝ મળી શકે છે
• સૌથી પહેલા પ્રાથમીકતા હેલ્થ અને ફ્રન્ટલાઈન વર્કરને અપાશે 

કોરોનાની બીજી લહેર શાંત તો પડી ગઈ છે. પરંતુ હજુ પણ લોકોમાં ત્રીજી લહેરને લઈને ભયનો માહોલ ફેલાયેલો છે. કોરોનાની બીજી લહેરમાં લોકોએ જે પરિસ્થિતી જોઈ હતી તે અત્યંત ભયજનક સાબિત થઈ હતી. જોકે હાલ તો ગુજરાતમાં મોટો ભાગના લોકોને વેક્સિન આપી દેવામાં આવી છે. 

અમદાવાદીઓને મળશે બૂસ્ટર ડોઝ 

પરંતુ અમદાવાદાના લોકોને કોરોના વેક્સિનનો બૂસ્ટર ડોઝ આપવામાં આવી શકે છે. તેવી માહિતી સૂત્રો દ્વારા સામે આવી છે. આપને જણાવી દઈએ કે દિવાલી પછી અમદાવાદીઓને બૂસ્ટર ડોઝ આપવામાં આવી છે. કોરોના સામેની લડત વધું મજબૂત કરવા માટે આ નિર્ણય લેવામાં આવે તેવી શક્યતા સેવાઈ રહી છે. 

બંને ડોઝ લીધા હશે તેમને બૂસ્ટર ડોઝ આપવામાં આવશે 

જે લોકોએ વેક્સિનના બંને ડોઝ લીધા છે તેઓ સુરક્ષીત કહી શકાય પરંતુ બૂસ્ટર ડોઝ પણ એજ લોકોને મળશે જે લોકોએ વેક્સિનના બંને ડોઝ લીધા છે. ગુજરાતની વાત કરીએ તો રાજ્યમાં મોટા ભાગના લોકોને વેક્સિનનો 1 ડોઝ તો મળી ચુક્યો છે. ત્યારે જે લોકોને અમદાવાદમાં બે ડોઝ લીધા છે. તે લોકોને બૂસ્ટર ડોઝ આપવામાં આવી શકે છે. 

હેલ્થ અને ફ્રન્ટ લાઈન વર્કરને પહેલી પ્રાથમિકતા મળશે 

ઊલ્લેખનીય છે કે સૂત્ર દ્વારા પ્રાપ્ત થતી માહિતી પ્રમાણે જેમણે વેક્સિનના બંને ડોઝ લીધા છે. તે લોકોને 9 મહિવા બાદ ત્રીજો ડોઝ આપવામાં આવશે તેવી સૂત્રો દ્વારા માહિતી સામે આવી છે. જેમા સૌથી પહેલા હેલ્થ વર્કર, ફ્રંટલાઈન વર્કર અને સિનિયર સિટિઝનને પ્રાથમિકતા આપવામાં આવી શકે છે.