મનોરંજન / 'બૉલીવુડ ઈન્ડસ્ટ્રીમાં લોકોના ત્રણ ચહેરા હોય..' ડિપ્રેશનમાં જતી રહેલ આ અભિનેત્રીએ બૉલીવુડને લઈને કર્યા ખુલાસા

• નરગિસ ફખરીએ બોલિવૂડના ઘણા કાળા રહસ્યો પરથી પડદા ઉઠાવ્યા 
• ઈન્ડસ્ટ્રીથી બિલકુલ ખુશ નથી નરગીસ 
• હાલ નરગીસ ઈન્ડસ્ટ્રીમાં કમબેક કરવા માટે તૈયાર છે.

બૉલીવુડ જેટલું બહારથી ચમચમાતું દેખાય છે એટલું જ અંદરથી કાળું છે એ વાત પર ઘણા એક્ટરે ખુલાસો કરતાં ઘણી વાતો શેર કરી છે અને હાલ એ બૉલીવુડની એક અભિનેત્રીએ આ વિશે ઘણા ખુલાસા કર્યા હતા. હિન્દી સિનેમામાં ઇમ્તિયાઝ અલીની ફિલ્મ 'રોકસ્ટાર'થી ડેબ્યૂ કરનાર નરગિસ ફખરી બૉલીવુડની સુંદર અને સફળ અભિનેત્રી છે. રોકસ્ટર પછી તે ઘણી ફિલ્મોમાં જોવા મળી હતી પણ છેલ્લા બે વર્ષથી તે ફિલ્મી પડદા પરથી ગાયબ છે. હાલ જ એક ઇન્ટરવ્યુમાં નરગિસ ફખરીએ બોલિવૂડના ઘણા કાળા રહસ્યો પરથી પડદા ઉઠાવતા કહ્યું હતું કે ઇન્ડસ્ટ્રીના કારણે તે ડિપ્રેશનમાં જતી રહી હતી. 

 

 

 

 

View this post on Instagram

 

 

 

 

 

 

 

 

 

 

 

A post shared by Nargis Fakhri (@nargisfakhri)

ઈન્ડસ્ટ્રીથી બિલકુલ ખુશ નથી નરગીસ 
નરગીસ ફખરીએ તેના ઈન્ટરવ્યુમાં જણાવ્યું હતું કે તે આ બૉલીવુડ ઈન્ડસ્ટ્રીથી બિલકુલ ખુશ નથી અને તેને આ ઈન્ડસ્ટ્રીથી સાથે જોડાયેલ દરેક લોકો અપરિપક્વ લાગે છે. નરગિસે કહ્યું હતું કે ' મને દાવપેચ રમતા નથી આવડતું  અને મને કહેવામાં આવ્યું હતું કે હું ખૂબ પ્રામાણિક છું જે સારી વાત નથી. તમે ભલે કોઈ સાથે કમ્ફર્ટેબલ ન હોય એ છતાં પણ તમારે એ વ્યક્તિ સાથે વાત કરવી પડશે. તમારે એક ગેમ ફેસ રાખવો પડે જે મને કરતાં નથી આવડતું અને એટલા માટે મને ઇમેચ્યોર કહેવામાં આવી. આ ઈન્ડસ્ટ્રીમાં લોકોના ત્રણ ચહેરા છે. એક બિઝનેસ ફેસ, બીજો ક્રિએટિવ ફેસ અને ત્રીજો પર્સનલ ફેસ. 

ડિપ્રેશનમાં ચાલી ગઈ હતી નરગીસ ફખરી
નરગીસ ફખરીએ આગળ કહ્યું હતું કે, 'મેં સતત આઠ વર્ષ બોલિવૂડમાં કામ કર્યું અને આ દરમિયાન મારી પાસે મારા પરિવાર માટે પણ સમય નહોતો. માનસિક તણાવને કારણે હું બીમાર રહેવા લાગી હતી. ખરાબ સ્વાસ્થ્યને કારણે મને એક સમયે એવું લાગવા લાગ્યું હતું કે હું ડિપ્રેશનમાં ચાલી ગઈ હતી. હું ખુશ ન હતી અને હંમેશા પોતાની જાતને એક જ પ્રશ્ન પૂછતી કે 'હું અહીં કેમ છું'. નરગીસે જણાવ્યું હતું કે ડિપ્રેશનના કારણે તેને ઈન્ડસ્ટ્રીમાંથી બ્રેક લીધો હતો. 

 

 

 

 

View this post on Instagram

 

 

 

 

 

 

 

 

 

 

 

A post shared by Nargis Fakhri (@nargisfakhri)

જણાવી દઈએ કે હવે નરગીસ ઈન્ડસ્ટ્રીમાં કમબેક કરવા માટે તૈયાર છે. નરગીસ મીડિયા સાથેની વાતચીતમાં કહ્યું હતું કે, 'હાલમાં મારી પાસે ચાર સ્ક્રિપ્ટ છે, જેના પર વાતચીત ચાલી રહી છે. કદાચ આવતા વર્ષે તમે મને ફરીથી સ્ક્રીન પર જોઈ શકશો.' નરગીસ ફખરી છેલ્લે વર્ષ 2020માં ફિલ્મ 'ટોરબાઝ'માં જોવા મળી હતી.