અફઘાનિસ્તાન / VIDEO: તાલિબાનની એન્ટ્રી બાદ કાબુલ છોડી રહ્યા છે લોકો, રસ્તા પર ટ્રાફિક જામના દ્રશ્યો તો જુઓ 

• અફગાનિસ્તાનની રાજધાની કાબુલમાં તાલિબાનીની એન્ટ્રી
• તાલિબાનના કબ્જામાં આવ્યા બાદ કાબુલની મુશ્કેલીઓ વધી
• લોકો કાબુલ છોડીને જઈ રહ્યા છે

અફગાનિસ્તાનની રાજધાની કાબુલમાં તાલિબાનીની એન્ટ્રી થઈ ચુકી છે. તેની સાથે જ અહીં તાલિબાનીઓ કબજો કરી ચુક્યા છે. રવિવારે નવી અંતરિમ સરકારના પ્રમુખના રૂપમાં અલી અહમદ જલાલીને પસંદ કરવામાં આવ્યા છે. તાલિબાનને સત્તા આપવા માટે અફગાન પ્રેસિડેન્શિયલ પેલેસ એઆરજીમાં વાતચીત ચાલી રહી છે. ત્યાં જ તાલિબાનના કબ્જામાં આવ્યા બાદ કાબુલની મુશ્કેલીઓ વધી રહી છે. સોશિયલ મીડિયા પર અલગ અલગ પ્રકારના વીડિયો પોસ્ટ કરી લોકોની સ્થિતિ દર્શાવવામાં આવી  રહી છે.  

Capital Kabul right now, Traffic blocked, everyone is in a hurry and are rushing to their homes.#Kabul #Afghanistan pic.twitter.com/QqDXwUm5c7

— Obaidullah Rahimi Mashwani (@IamObaidRahimi) August 15, 2021

રસ્તાઓ પર વાહનની લાઈનો 
ઓબૈદુલ્લા રહીમી મશવાની નામના એક ટ્વિટર યુઝરે વીડિયો પોસ્ટ કર્યો છે. જેમાં કાબુલની હાલની પરિસ્થિતિ જોવા મળી રહી છે. વીડિયોમાં જોઈ શકાય છે કે શહેરના તમામ રસ્તાઓ પર વાહનોની લાંબી લાઈનો છે. જેના કારણે આખા શહેરમાં જામ લાગેલું છે. ટ્વીટર યુઝરે જણાવ્યું કે તેણે આ વીડિયો નથી બનાવ્યો પરંતુ શહેરના રસ્તાઓ પર નિકળ્યો હતો. તે સમયે આવી જ પસ્થિતિ જોવા મળી હતી. જેવી આ વીડિયોમાં દેખાઈ રહી છે. 

આતંકનાં ઓછાયામાં અફઘાનિસ્તાન
છેલ્લા ઘણા સમયથી તાલિબાન ધીમે ધીમે કરીને અફઘાનિસ્તાનનાં જુદા જુદા શહેરો પર કબજો કરી રહ્યું છે ત્યારે આ કડીમાં આજે અફઘાનિસ્તાનનો છેલ્લો કિલ્લો એટલે કે કબૂલ પણ તાલિબાને કબજે કરી લીધું છે. લાંબા સંઘર્ષ અને લોહિયાળ જંગ બાદ સરકાર તાલિબાન સામે ઝૂકી ગઈ છે. 

અસ્થાયી પ્રશાસનના માધ્યમથી સત્તા સોંપાશે: મિર્ઝાકવાલ
અફઘાનિસ્તાન સરકાર દ્વારા નિર્ણય લેવાયો છે કે સરકાર ચૂપચાપ તાલિબાનને સત્તા સોંપી દેશે અને કોઈ જ યુદ્ધ કરવામાં આવશે નહીં. અફઘાનિસ્તાનમાં અત્યારે અમેરિકાનું રેસ્ક્યૂ મિશન ચાલી રહ્યું છે એવામાં આ મિશન પતે એટલે તરત જ સત્તા તાલિબાનને સોંપી દેવામાં આવશે. અફઘાનિસ્તાનનાં  કાર્યવાહક આંતરિક મંત્રી મિર્ઝાકવાલે કહ્યું છે કે કાબુલમાં તાલિબાનો અને સેના આમને સામને નહી આવે તથા અસ્થાયી પ્રશાસનના માધ્યમથી સત્તા સોંપાશે.