નવી સમસ્યા / આ શહેરમાં હોસ્પિટલો ફૂલ, ટપોટપ મરી રહ્યા છે દર્દીઓ, ઘરે જ નાના બાળકોનો ઈલાજ કરવા મજબૂર લોકો

ઉત્તરપ્રદેશના ફિરોઝાબાદમાં વાયરલ ફીવર અને ડેન્ગ્યુના કારણે હાલત વધુને વધુ ખરાબ થઈ રહી છે. કેટલાય વિસ્તારોમાં લોકો પોતાના ઘરોની આસપાસ કોઈ પણ ઊંટવૈદોની સલાહો માનીને પોતાના જ ઘરે બાળકોની સારવાર કરવા માટે મજબૂર બન્યા હતા. 

પોતાના જ ઘરે બાળકોની સારવાર કરવા માટે મજબૂર

ઉત્તરપ્રદેશના ઝલકારી નગર વિસ્તારમાં કેટલાય પરિવારો પોતાના ઘરોમાં જ બાળકોના ઇલાજ કરાવી રહ્યા છે કારણ કે અહીના ઘણા વિસ્તારોમાં હોસ્પિટલોમાં બાળકોને એડમિટ કરવા માટે બેડ પણ ખાલી નથી. એક બાળક વૈભવને ઘણા સમયથી તાવ આવતો હતો બાદમાં તેનો ટેસ્ટ કરાવતા જાણવા મળ્યું હતું કે તેને ડેન્ગ્યુ થઈ ગયો હતો. ત્યાર બાદ તેના પરિવારે ઘરે જ તેનો ઈલાજ કરાવવાનું શરૂ કર્યું હતું. તેના પરિવારજનોએ કહ્યું હતું કે હોસ્પિટલોમાં જગ્યા ન હોવાથી તેમણે તેનો ઈલાજ ઘરે જ કરવાનું શરૂ કરી દીધું હતું. એક સ્થાનિક ડોક્ટરની સલાહ મુજબ તેમણે ઘરે જ દવાઓ અને ગ્લુકોઝ ડ્રીપ વગેરે શરૂ કરી દીધું હતું. બાળકને છેલ્લા ઘણા સમયથી તાવ અને ઊલટીઓ થતી હોવા છતાં આ પ્રકારે 12 વર્ષના વૈભવની ઘરે જ કરવામાં આવી રહેલી સારવાર જોખમી છે. 

આ સિવાય અન્ય એક પરિવારમાં પુષ્પા દેવી અને તેમની દીકરીનું ડેંગયુમાં પ્લેટલેટ કાઉન્ટ ઓછા થઈ જવાનાં આકારને મૃત્યુ થઈ ગયું હતું. પરિવારજનોનું કહેવું છે કે આ હોસ્પિટલ તંત્રની બેદરકારીના કારણે થયું હતું તો સરકાર પણ ડોકટરો વિરુદ્ધ કાર્યવાહી કરી રહી છે. 

લોકોના સ્વાસ્થ્ય સાથે જીવલેણ ચેડાં

આ પ્રકારે લોકો ઘરે જ સારવાર કરે તે ખૂબ જ ખતરનાક બાબત છે અને લોકોના સ્વાસ્થ્ય સાથે જીવલેણ ચેડાં છે. આઅ વિસ્તારોમાં સાફ સફાઇ પણ ન હોવાના કારણે તાવ વગેરે ઝડપથી પ્રસરી રહ્યા છે જો કે બાળકો પર સૌથી વધારે તેની અસર થઈ હોવાનું માલૂમ પડી રહ્યું છે. સ્થાનિકોએ કહ્યા મુજબ કમસે કમ 15 બાળકોના જીવ તો છેલ્લા કેટલા દિવસોમાં તેમની નજર સામે જ થયા હતા.

100 બેડની હોસ્પિટલમાં 325 લોકો એડમિટ 

પશ્ચિમી ઉત્તર પ્રદેશના કેટલાય જિલ્લામાં લોકોના મોત થયા હતા. ફિરોજાબાદમાં દર્દીઓની સંખ્યા એટલી ઝડપથી વધી રહી છે કે 100 બેડની હોસ્પિટલ પણ હવે ભરાઈ ગઈ છે અને સાથે આ જગ્યાએ 325 લોકો એડમિત કરવા પડ્યા છે. મોટાભાગનાં પ્રાઇવેટ હોસ્પિટલ્સ પણ ફૂલ છે. કેન્દ્ર સરકાર તરફથી એક ટીમ મોકલવામાં આવી છે. આઅ મેડિકલ ટીમ શુક્રવારે સ્થાનિક અધિકારીઓ સાથે વાતચીત કરવાની હતી જો કે તેનું શું પરિણામ આવે છે તે તો  આવનારો સમય જ કહેશે.