વંદો ભલે તમને પસંદ ન હોય અથવા તેનાથી તમને ડર લાગતો હોય પરંતુ ચીનના લોકો માટે તે કમાણીનું સાધન છે. વંદામાં સંભવિત ઔષધિય ગુણો હોવાને કારણે ચીનના ઉદ્યોગ માટે તે રોજગારીની તક ઉભી કરે છે. ચીન સહિત કેટલાય એશિયાઇ દેશોમાં વંદાનું તેલ ખાવામાં આવે છે પરંતુ હવે તેનું મોટાપાયે ઉત્પાદન પણ કરવામાં આવી રહ્યું છે.
ચીનના લોકો પીવે છે વંદાનું શરબત
મોટા પાયે કરવામાં આવે છે વંદાનું ઉત્પાદન
600 કરોડ વંદાનું કરાઇ રહ્યું છે પાલન
આપને જણાવી દઇએ કે, ચીનના શીચાંગ શહેરમાં આવેલી એક દવા કંપની દ્વારા દર વર્ષે 600 કરોડ વંદાનું પાલન-પોષણ કરી રહી છે. સાઉથ ચાઈના મોર્નિંગ પોસ્ટ અનુસાર એક બિલ્ડિંગમાં તેને પાળવામાં આવે છે. આ બિલ્ડિંગનું ક્ષેત્રફળ આશરે બે રમતના મેદાન જેટલું છે. તેને છાજલીઓની પાતળી તિરાડોની અંદર તેને પાળવામાં આવે છે.
600 કરોડ વંદાનું કરાઇ રહ્યું છે પાલન
આ સાથે જ વંદા માટે આહાર અને પાણીની વ્યવસ્થા પણ કરવામાં આવે છે. મોટા વિસ્તારની અંદર તડકો-અંધારું હોય છે અને વાતાવરણમાં ગરમી અને થોડી ભીનાશ તૈયાર કરવામાં આવે છે. ફાર્મની અંદર કીડાને ફરવા અને પ્રજનન કરવાની આઝાદી હોય છે. તેને સૂરજના પ્રકાશથી દૂર રાખવામાં આવે છે અને તે બિલ્ડિંગની બહાર નથી જઈ શકતાં.
વિવિધ રોગોની સારવારમાં ઉપયોગી વંદા શરબત
નોંધનીય છે કે, આર્ટિફિશિયલ ઇન્ટેલિજન્સ સિસ્ટમ દ્વારા વંદા પર નજર રાખવામાં આવે છે. આવું કરવા પાછળનું ધ્યેય એ છે કે ટૂંકા ગાળામાં ઘણા વંદાનું ઉત્પાદન કરવાનું છે. જ્યારે વંદો પુખ્ત હોય છે, ત્યારે તેઓ પરંપરાગત ચાઇનીઝ દવાઓમાં ચાસણીની જેમ પીસે છે અને પીવામાં આવે છે. તે અતિસાર, ઉલટી, પેટના અલ્સર, શ્વસન સમસ્યાઓ અને અન્ય રોગોની સારવાર માટે વપરાય છે.