લોકો પોતાની છોકરીના લગ્ન એવી જગ્યાએ કરાવવા ઇચ્છે છે, જ્યાં એને કોઇ પણ પ્રકારીની સમસ્યા થાય નહીં, પરંતુ આગ્રામાં એક એવી પણ જગ્યા છે જ્યાં લોકો પોતાની દીકરીના લગ્ન કરવા ઇચ્છતા નથી. એનું કારણ ખૂબ જ ગંભીર છે.
વાસ્તવમાં આગ્રાનો ઇસ્લામનગર છેલ્લા 30 વર્ષથી પાણીની સમસ્યા સામે ઝઝૂમી રહ્યો છે. હેન્ડપંપ તો દૂર અહીંયા સબમર્સિબલ પંપ પણ નથી. ગરમીની સિઝનમાં લોકો પાણી માટે તરસે છે. યમુનાનો કિનારો હોવા છતાં અહીંયાનું પાણી ખારું છે.
અહીંયા સવાર પડતા જ લોકો પાણીને લઇને ખાનગી ટેન્કરની વ્યવસ્થામાં ઘરના ગેટ પર ઊભા રહી જાય છે. અહીંયાના લોકોનું એવું કહેવું છે કે પાણીની સમસ્યાના કારણે સંબંધીઓ પોતાની છોકરીઓના લગ્ન અહીંયા કરવા તૈયાર નથી.
અહીંયા રહેતા લોકોનું એવું કહેવું છે કે થોડાક વર્ષ પહેલા અહીંયા પાઇપ લાઇન નાંખવામાં આવી હતી, પરંતુ પાણી ઘરોમાં આજ સુધી પહોંચ્યું નથી. ગરમી તો દૂર અહીંયા શિયાળામાં પણ પાણીનું સપ્લાય થઇ શકતું નથી, જેના કારણે રિશ્તેદારો એમના બાળકો સાથે લગ્ન કરવા તૈયાર નથી. આ સમસ્યા દરેક ઘરમાં છે.