બૉલીવુડ ફિલ્મ The Kashmir Files આજકાલ ખાસ્સી ચર્ચામાં છે. તેની પાછળ ઘણા કાશ્મીરી પંડિતોની વ્યથા જવાબદાર છે. આવી જ એક કહાની સાંભળીને તમારી આંખોમાં આંસુ આવી જશે.
કાશ્મીર ફાઇલ્સ જોયા પછી રડી પડ્યા લોકો
એક મહિલાએ યાદ કરી સસરાના મૃત્યુની કથા
દેશભરમાં થઈ ચર્ચા
ક્યારેક રોવાના ડૂસકાં તો ક્યારેક જોરદાર તાલીઓનો અવાજ. જો તમે ધ કાશ્મીર ફાઇલ્સ ફિલ્મ જોશો તો આના સિવાય બીજા કોઈ ભાવ નહીં જોવા મળે.
છેલ્લા 32 વર્ષથી રજૂ ન થયેલી કાશ્મીરી પંડિતોની વ્યથા દર્શાવતી ફિલ્મ 'ધ કાશ્મીર ફિલ્મ' જોઈને એક કાશ્મીરી પંડિત પરિવારની મહિલા રડી પડી હતી. તેણે કહ્યું હતું કે મારા સસરાને આ જ રીતે મારવામાં આવ્યા હતા. આતંકવાદીઓએ મારા સસરાના શરીરમાં નાનાં નાનાં છેદ કરી દીધા હતા. અને તેમણે દગો કરનાર બીજો કોઈ નહીં પણ તેમનો પોતાનો નોકર જ હતો. આ મહિલા ધ્રુસકે ધ્રુસકે રડી પડી હતી. તેમણે કહ્યું હતું કે મારા સસરાના શરીરને મારી નાખીને ઝાડ પર લટકાવી દેવામાં આવ્યું હતું.
અન્ય એક મહિલાએ કહ્યું હતું કે 32 વર્ષ સુધી આ વ્યથની કહાની એવું કહેનાર લોકોના મોઢા પર તમાચો છે જે કાશ્મીરી પંડિતોને ભાગેડુ માનતા હતા.
વિવેક અગ્નિહોત્રીની ફિલ્મ 'The Kashmir Files' આજકાલ સતત ચર્ચામાં છે. ફિલ્મનાં માધ્યમથી વિવેક અગ્નિહોત્રીએ એ તકલીફોને પરદા પર ઉતારી છે, જે કાશ્મીરી પંડિતોએ જીવી છે. કશ્મીરી પંડિતોનાં નરસંહારની સ્ટોરી
ફીલ્મ્બની સ્ટોરી વર્ષ 1990માં કશ્મીરી પંડિતોનાં નરસંહાર તથા તેમની સાથે થયેલા અન્યાય વિષે છે, જેમાં અનુપમ ખેર, મિથુન ચક્રવર્તી, દર્શન કુમાર અને પલ્લવી જોશીએ મુખ્ય ભૂમિકા નિભાવી છે.
ગુજરાતમાં થઈ ટેક્સ ફ્રી
1990માં થયેલ કશ્મીરી પંડિતોનાં નરસંહારની ઘટનાને પડદા પર ફરી તાજી કરતી ધ કશ્મીર ફાઈલ્સ ફિલ્મને ગુજરાતમાં પણ કરમુક્ત કરવાનો નિર્ણય કરવામાં આવ્યો છે. રાજ્યના મુખ્યમંત્રી ભૂપેન્દ્ર પટેલના કાર્યાલય દ્વારા ટ્વીટ કરીને આ અંગે જાણકારી આપી હતી.
હરિયાણા અને મધ્યપ્રદેશમાં પણ કરાઈ છે કરમુક્તીની જાહેરાત
હરિયાણાની સાથેસાથે મધ્ય પ્રદેશે પણ ધ કશ્મીર ફાઇલ્સને ટેક્સ ફ્રીની ઘોષણા કરી છે. આ ફિલ્મને ભારતમાં ૭૦૦ સ્ક્રીન પર જ રીલિઝ કરવામાં આવી છે. ફિલ્મના પ્રથમ દિવસે અંદાજે રડપિયા ૩ કરોડનું કલેકશન કર્યું હોવાનું કહેવાઇ રહ્યું છે.
પ્રોડયૂસર અભિષેક અગ્રવાલ, નિર્દેશક વિવેક રંજન અગ્નિહોત્રી અને એક્ટર પલ્લવી જોશી સહીત 'The Kashmir Files'ની ટીમે શનિવારે ભારતનાં પ્રધાનમંત્રી નરેન્દ્ર મોદીની મુલાકાત લીધી. પીએમ નરેન્દ્ર મોદીએ ફિલ્મના વખાણ કર્યા અને ટીમની પ્રધાનમંત્રી નરેન્દ્ર મોદી સાથેની મુલાકાતની તસવીરો ઇન્ટરનેટ પર વાયરલ થઇ રહી છે.