પીધેલા / દમણથી નશો કરી ગુજરાત આવતા લોકો ચેતજો ! એક્શનમાં આવેલ પોલીસે શરૂ કરી છે ડ્રાઈવ

• દમણમાં ઢીંચીને પરત આવતા 14 ઝડપાયા 
• 31st ને ધ્યાને લઈને કડક ચેકિંગ જારી છે 
• ગુજરાતમાં દારુ ઝડપાવાની ઘટના ઠેર-ઠેર 
•  

દમણથી નશો કરી ગુજરાતમાં પ્રવેશતા લોકો માટે વલસાડ જિલ્લા પોલીસ એક્શનમં દેખાઇ રહી છે. વલસાડ જિલ્લા પોલીસે દમણથી નશો કરી ગુજરાતમાં પ્રવેશતા 14 નબીરાઓને ઝડપી પાડ્યા છે. 31 ડિસેમ્બર પહેલા મોટા પ્રમાણમાં દક્ષિણ ગુજરાતના પ્રવાસીઓ દમણ અને સેલવાસ તરફ જતા હોય છે. મોડી રાત્રે નશો કરી ગુજરાતમાં પ્રવેશતા હોવાથી પોલીસ પહેલાથી જ ત્યાં ચેકિંગ કરી લોકોની ધરપકડ કરે છે. આ વખતે પણ પોલીસ દ્વારા પહેરો ગોઠવી દેવામાં આવ્યો છે.

કડક ચેકિંગ,કાર્યવાહી પણ કડક 

ડિસેમ્બરનું છેલ્લું સપ્તાહમાં ગુજરાતમાં ગેરકાયદે દારુ બહારથી ઠલવાતો હોય છે તો કેટલાક લે-ભાગુઓ, નકલી  દારુ બનાવી મોંધી બોટલમાં ઉંચી કીમતે શરાબમાં ખપાવતા હોવાના કિસ્સા સામે આવ્યા છે.  તેમાય ક્રિસમસ અને નવા વર્ષની આડમાં 'પ્યાસીઓ' મોકો શોધતા હોય તેમ.ગેરકાયદે દારુ ઘુસાડવાનો અને ગ્રાહકો સુધી પહોચતો કરી મો માંગ્યા દામ વસુલવાનો મોકો બુટલેગર નથી છોડતા.આવો જ એક કીમીયો સુરતમાં અજમાવવામાં આવ્યો છે. બુટલેગરો એ મિનરલ વોટરના બાટલાની આડમાં દારૂની હેરાફેરી શરુ કરી છે. SOG પોલીસે સુરતના ગોડાદરા વિસ્તારમાંથી દારૂનાં જથ્થા સાથે બે વ્યક્તિની ધરપકડ કરી હતી. 

દારુ ઝડપાવવાની વધુ એક ઘટના સુરતના ઓલપાડ વિસ્તારમાં બની છે. ઓલપાડના માસમા ગામની સીમમાંથી વિદેશી દારૂ ઝડપાયો છે. પોલીસે આ વિસ્તારમાંથી પોલીસે 3 લાખનો વિદેશી દારૂ ઝડપી પાડ્યો હતો. જ્યારે વિદેશી દારૂ મંગાવનાર અને બુટલેગર વોન્ટેડ જાહેર કરાયા છે  

ગીર સોમનાથમાં રીક્ષામાંથી ઝડપાયો દારૂ

31 ડિસેમ્બર નજીક આવતા બુટલેગરો અવનવી તરકીબ અજમાવી રહ્યાં છે. ત્યારે આજે ક્રાઇમ બ્રાંચે રીક્ષામાં દારૂ ઝડપી પાડ્યો છે. રીક્ષામાં ચોર ખાનું બનાવી દારૂની ખેપ વેચવામાં આવતો હતો. ક્રાઇમ બ્રાંચે 216  વિદેશી દારૂની બોટલ કબ્જે કરી છે. પોલીસ દારૂના મુદ્દામાલ સાથે બે શખ્સોની ધરપકડ કરી છે. અમદાવાદમાં ફેક્ટરી ઝડપાઈ છે.

બીજી તરફ અમદાવાદમાં તો નકલી દારુ બનાવી 'પ્યાસી'ઓના સ્વાસ્થ્ય સાથે ચેડા કરવાનો પર્દાફાશ થયો છે. નિર્ણયનગરના રેવા આવાસ યોજનામાંથી ઝડપાઇ નકલી દારૂ બનાવવાની ફેક્ટરી ઝડપાઈ હતી જેમાં સસ્તો દારૂ બનાવી મોંઘી બોટલમાં ભરીને ગ્રાહકોને ઉંચા ભાવે વેચવામાં આવતો હતો. વાડજ પોલીસે 78 દારૂની બોટલ સાથે દારૂમાં નાખવાનું કેમિકલ જપ્ત કર્યું હતું. જ્યારે આરોપી નીલેશ રાઠોડ ફરાર થઇ ગયો હતો. પોલીસે નિલેશ રાઠોડ સામે ગુનો નોંધીને કાર્યવાહી હાથ ધરી છે. 

ચકલાસી 'પોલીસને બગાસું ખાતા પતાસું' 

સુરત અને અમદાવાદ બાદ એક ચોકાવનારી ઘટના મધ્ય ગુજરાતના ખેડામાં બની છે. બન્યું એવું કે નવા અને જૂના સરપંચના ઝઘડામાં પોલીસને 'બગાસું ખાતા પતાસું' આવી પડ્યું. વાત એમ હતી કે,  નવા અને જૂના સરપંચના સમર્થકો બાખડ્યા હતા. ફટાકડા ફોડવા બાબતે  ગામમાં મારામારી થઈ હતી. પોલીસ મારામારી સંદર્ભે  પૂર્વ સરપંચના ઘરે પહોચી,તો પૂછ પરછ દરમિયાનઅને તપાસ દરમિયાન વિદેશી દારૂનો જથ્થો મળી આવ્યો હતો. જ્યારે આરોપી પૂર્વ સરપંચના પતિ શિવમ ઠક્કર  ફરાર થયા છે.

રાજકોટમાં 32 લાખની કિમતનો જથ્થો 

31 ડિસેમ્બર ની ઉજવણીમાં દારૂની છોળો ઉડતી જોવા મળતી હોય છે. દારૂની છોળો ઉડે તે પહેલા રાજકોટ પોલીસ હરકતમાં આવી છે. રાજકોટની કુવાડવા GIDC પોલીસ દ્વારા 32 લાખની કિંમતનો વિદેશી દારૂ ઝડપી પાડવામાં આવ્યો છે. આ મામલે પોલીસે એક સગીર સહિત 6 શખ્સોની ધરપકડ કરી છે. વડોદરાના બુટલેગર નાગદાન ગઢવીનો દારૂ હોવાનું સામે આવ્યું છે ત્યારે આ દારૂ ભાવનગરના ઇમરાન હારૂન કાલવાને પહોંચાડવાનો હતો. પોલીસે 6492 વિદેશી દારૂની બોટલ જપ્ત કરી છે. પોલીસે નાગદાન અને ઇમરાનને પકડવાના ચક્રો ગતિમાન કર્યા છે.