સોનાની કિંમત સતત વધી રહ્યા હોવા છતાં લોકો તેના વેચાણને લઇને દિલચસ્પી દેખાડી રહ્યા નથી. એવું અનુમાન લગાવવામાં આવ્યું છે કે, કોરાના વાયરસના કહેરને કારણે આગામી અઠવાડિયે પણ ભાવમાં ઉછાળો જોવા મળશે.
સોનાના ભાવમાં સતત આવી રહ્યો છે ઉછાળો
કોરોના વાયરસ બન્યો કારણ
ભાવ સતત વધી રહ્યા છે છતાં લોકો સોનાનું નથી કરી રહ્યા વેચાણ
મુંબઇના ઝવેરી બજારમાં ગોલ્ડ ખરીદનારા અને બુલિયન ડિલર્સનું કહેવું છે કે, વધુ કિંમત મેળવવા માટેનો હજી સમય નથી. એવું અનુમાન લગાવવામાં આવી રહ્યું છે કે, દેશમાં આશરે 22000 ટન સોનું લોકોની પાસે પડ્યું છે.
લોકો હમણાં સોનાના વેચાણમાં રસ ધરાવતા નથી
રિદ્ધિસિદ્ધિ બુલિયન્સના મેનેજિંગ ડારેક્ટર પૃથ્વીરાજ કોઠારીએ કહ્યું કે, લોકો હમણાં સોનાના વેચાણમાં રસ દાખવતા નથી. ઉલટાનું, રોકાણકારો તેમને વર્તમાન ભાવ સ્તરે ખરીદી રહ્યા છે. તેમને આશા છે કે સોનાના ભાવમાં સતત વધારો જોવા મળશે. જગરાજ કાંતિલાલના ડિરેક્ટર જીતેન્દ્ર જૈને કહ્યું, 'લોકો ઉતાવળ કરી રહ્યા નથી. જ્યારે એક વખત સોનાનો ભાવ 10 ગ્રામ દીઠ 38,000 રૂપિયા પર પહોંચ્યો હતો, ત્યારે તે વેચવા માટે લાંબી કતારો લાગી હતી. જો કે, આ વખતે ભાવવધારો થવા છતાં તે થઈ રહ્યું નથી.
કોરોનાને કારણે વધ્યા ભાવ
COMEX પર સ્પોટ આંતરરાષ્ટ્રીય સોનાના ભાવ સોમવારે વધીને 1,689 ડોલર પર પહોંચ્યા હતા. વૈશ્વિક સ્તરે મજબૂતાઇને કારણે, MCX સપ્તાહની શરૂઆતમાં ગૈપ અપ (અગાઉના ટ્રેડિંગથી ઉંચાઇથી સ્ટોકની શરૂઆત થવી) પર ટ્રેડ કરી રહ્યો હતો. ચીનથી દક્ષિણ કોરિયા, મધ્ય પૂર્વ અને ઇટાલી જેવા દેશોમાં ખતરનાક કોરોના વાયરસ ફેલાતાં સોનાના ભાવમાં વધારો થયો છે. દિલ્હીના બજારમાં તે આશરે 954 રૂપિયા ઘટીને રૂ. 43,549 પર પ્રતિ 10 ગ્રામ રહ્યો છે.
શું કહે છે નિષ્ણાંતો
મંગળવારે સોનાના ભાવ કરેક્શનની સાથે 1,640 ડોલર પર પહોંચ્યા હતા. HDFC સિક્યોરિટીઝના વિશ્લેષક તપન પટેલે જણાવ્યું હતું કે, "કરેક્શનને લીધે સોનાના ભાવ અગાઉના રેજીસ્ટેન્સ સ્તર 1,611 ડોલર પર આવી શકે છે." તે હવે એક મહત્વપૂર્ણ સપોર્ટ લેવલ બની ગયું છે. આંતરરાષ્ટ્રીય બજારોમાં કોરોના વાયરસનો યથાવત રહેશે તો તેના કારણે, સોનાના ભાવમાં ઉંચું રિસ્ક પ્રીમિયમ બની રહેશે.