પઠાણ ફિલ્મના મિડનાઇટ શો પણ શરૂ કરવામાં આવ્યા હતા. આ સાથે જ ક્યાંક લોકોએ થિયેટરમાં ડાન્સ કરીને તો ક્યાંક ફટાકડા ફોડીને પઠાણના આગમનની ઉજવણી કરી હતી.
શાહરુખની ફિલ્મ સમગ્ર વિશ્વમાં ધૂમ મચાવી રહી છે
થિયેટરોની અંદર અને બહાર દરેક જગ્યાએ લોકોની ભીડ એકઠી
લોકો સીટો પર ચઢીને કરી રહ્યા છે ડાન્સ
સિનેમા હોલની અંદર ફોડવામાં આવ્યા ફટાકડા
ફિલ્મ પઠાણ રિલીઝ થઈ ગઈ છે અને લોકોમાં પઠાણ ફિલ્મનો અનોખો ક્રેઝ જોવા મળી રહ્યો છે. શાહરૂખ ખાનની 'પઠાણ' બોક્સ ઓફિસ પર સતત ધમાલ મચાવી રહી છે. પઠાણની ધમાકેદાર એન્ટ્રી સાથે થિયેટરોમાં જાણે તેજ ફરી વળ્યું છે. શાહરુખ ખાનની આ ફિલ્મે ન જાણે કેટલા રેકોર્ડ બનાવ્યા છે. હાલ જોતાં લાગી રહ્યું છે કે શાહરૂખની આ ફિલ્મ બોલિવૂડમાં પડેલા દુકાળ માટે રામબાણ સાબિત થઈ છે.
ફિલ્મ જોવા માટે લોકોમાં ઉત્સાહ
લગભગ 4 વર્ષ પછી મોટા પડદા પર શાહરૂખની વાપસીએ ચાહકોની ઉત્તેજના એક અલગ જ સ્તર પર લઈ ગ્ય હોય એવું લાગી રહ્યું છે. લોકોને કિંગ ખાનનો આ નવો અવતાર ખૂબ જ પસંદ આવી રહ્યો છે. શાહરુખ ખાનની ફિલ્મ માત્ર દેશમાં જ નહીં પણ સમગ્ર વિશ્વમાં ધૂમ મચાવી રહી છે અને દર્શકો મોટી સંખ્યામાં ફિલ્મ જોવા જઈ રહ્યા છે. પઠાણ ફિલ્મના મિડનાઇટ શો પણ શરૂ કરવામાં આવ્યા હતા. આ સાથે જ ક્યાંક લોકોએ થિયેટરમાં ડાન્સ કરીને તો ક્યાંક ફટાકડા ફોડીને પઠાણના આગમનની ઉજવણી કરી હતી. તમામ શો હાઉસફુલ જઈ રહ્યા છે. થિયેટરોની અંદર અને બહાર દરેક જગ્યાએ લોકોની ભીડ એકઠી થઈ ગઈ છે. પઠાણ માટે ચાહકોનો ક્રેઝ હવે કાબૂ બહાર જઈ રહ્યો છે.
લોકો સીટો પર ચઢીને કરી રહ્યા છે ડાન્સ
પહેલા પણ ફિલ્મો અને સ્ટાર્સને લઈને ચાહકોનો ક્રેઝ જોયો જ હશે પણ પઠાણની રિલીઝ પછી જે દ્રશ્યો જોવા મળી રહ્યા છે, આવો ક્રેઝ કદાચ પહેલા ક્યારેય કોઈ ફિલ્મ કે સ્ટાર માટે જોવા મળ્યો નથી. હાલઆ ઘણા વિડીયો વાયરલ થઈ રહ્યા છે અને થિયેટરોમાં પઠાણને જોઈને લોકો આનંદથી નાચી રહ્યા છે. ઘણા થિયેટરોમાંથી વિડીયો સામે આવ્યા છે જ્યાં શાહરૂખના ચાહકો પોતાને સીટ પર ઉભા રહેવાથી અને પઠાણના ગીતો પર ડાન્સ કરતા રોકી શકતા નથી. રિપોર્ટ્સનું માનીએ તો ઘણા થિયેટરોમાં સીટ પર ઉભા રહીને ડાન્સ કરતા લોકોના કારણે થિયેટરોની ખુરશીઓ પણ તૂટી ગઈ છે અને થિયેટરોના માલિકો માટે ભીડને નિયંત્રિત કરવી મુશ્કેલ બની રહી છે. ઘણા લોકો પોતાની ખુરશી પર ઉભા રહીને ડાન્સ કરી રહ્યા છે તો કેટલાક લોકો સીટી વગાડી રહ્યા છે.
સિનેમા હોલની અંદર ફોડવામાં આવ્યા ફટાકડા
આ તો ઠીક હતું પણ તમને જોઈને નવાઈ લાગશે કે પઠાણના જુસ્સાને કારણે લોકો પોતાનો જીવ જોખમમાં મૂકી રહ્યા છે. હાલ સોશિયલ મીડિયા પર એક ચોંકાવનારો વીડિયો સામે આવ્યો છે જેમાં જોઈ શકાય છે કે પઠાણને જોવા આવેલા લોકોએ ઉત્સાહમાં થિયેટરોની અંદર ફટાકડા ફોડ્યા હતા. જો કે સિનેમા હોલની અંદર સળગતા ફટાકડા કોઈ મોટી ઘટનાને આમંત્રણ આપી શકે છે અને લોકોના આ કૃત્યથી થિયેટરમાં આગ લાગવાથી અને નાસભાગના કારણે લોકોના જીવ પણ જોખમમાં આવી શકે છે. પઠાણ માટે લોકોનો આવો ક્રેઝ ખુશીની સાથે સાથે ડરાવનારો પણ છે.
'પઠાણ' ફિલ્મે બનાવ્યા કમાણીના નવા રેકોર્ડ
જણાવી દઈએ કે ફિલ્મે રિલીઝના ત્રણ દિવસમાં 300 કરોડનો આંકડો પાર કરી લીધો છે અને આ ફિલ્મે કમાણીના નવા રેકોર્ડ બનાવ્યા છે. લગભગ 4 વર્ષ પછી મોટા પડદા પર શાહરૂખની વાપસીએ ચાહકોની ઉત્તેજના એક અલગ જ સ્તર પર લઈ ગ્ય હોય એવું લાગી રહ્યું છે. લોકોને કિંગ ખાનનો આ નવો અવતાર ખૂબ જ પસંદ આવી રહ્યો છે. શાહરુખ ખાનની ફિલ્મ માત્ર દેશમાં જ નહીં પણ સમગ્ર વિશ્વમાં ધૂમ મચાવી રહી છે અને દર્શકો મોટી સંખ્યામાં ફિલ્મ જોવા જઈ રહ્યા છે. જણાવી દઈએ કે આ ફિલ્મે ત્રણ દિવસમાં વિશ્વભરમાં 313 કરોડ રૂપિયાની કમાણી કરી લીધી છે.