કોની મીલીભગત? / વસ્ત્રાપુર તળાવ, પલ્લવ પ્રગતિ બ્રિજ..., જુઓ આ છે AMCના અધૂરા પ્રોજેક્ટ, જે અમદાવાદીઓ માટે બન્યા માથાના દુખાવા

અમદાવાદ મહાનગરપાલિકાના અધૂરા પ્રોજેક્ટ નાગરિકો માટે માથાનો દુખાવો સાબિત થયા છે. સમય મર્યાદા પૂર્ણ થઇ છતાં કોન્ટ્રાક્ટર દ્વારા કામ પૂર્ણ કરવામાં આવ્યું નથી. વસ્ત્રાપુર તળાવ પ્રોજેક્ટ ઓગસ્ટ મહિનામાં પૂર્ણ કરવાનો હતો જે નથી થયો. ફેબ્રુઆરી મહિનાથી તળાવ નાગરિકો માટે બંધ કરી દેવાયો છે. પલ્લવ પ્રગતિ નાગર બ્રિજ 104 કરોડના ખર્ચે બની રહ્યો છે.

શા માટે સમયસર નથી થતા કામ?

કોન્ટ્રાકટર દ્વારા બ્રિજની કામગીરી જૂન 2023માં પૂર્ણ કરવાની હતી જે હજુ સુધી પૂર્ણ નથી થઇ જેના કારણે નાગરિકો હાલાકી ભોગવી રહ્યા છે. બ્રિજની કામગીરી પુરી ન થતા ટ્રાફિકની સમસ્યા વધી છે. વાડજ સ્મશાનગૃહ પ્રોજેક્ટ પણ પૂર્ણ થયો નથી. 13 કરોડના ખર્ચે સ્મશાન ગૃહનું રિડેવલોપમેન્ટ કરવામાં આવ્યું તેનું કામ નવેમ્બર 2022માં પૂર્ણ કરવાનું હતું જે થયું નથી. ચાંદલોડિયા મલ્ટીલેવલ પાર્કિંગનું કામ જૂન 2023માં પૂર્ણ કરવાનું હતું તે કામ પણ પૂર્ણ થયું નથી. કરોડો રૂપિયા કોન્ટ્રાકટરો ને અપાય છે પરંતુ કામ સમય મર્યાદામાં પૂર્ણ થતા નથી.

આ પણ વાંચો: 10-10 દિવસ થયા, છતાંય નવા પ્રોપર્ટી કાર્ડ નથી નીકળી રહ્યાં, અટવાયા દસ્તાવેજ સહિતના કામ

જનતાનો શું વાક?

અમદાવાદ મહાનગરપાલિકાના વાંકે જનતા પરેશાન થઈ રહી છે. AMCના અધૂરા પ્રોજેક્ટો માથાના દુખાવા સમાન બની રહ્યાં છે. જનતાની તકલીફો જાણે અધિકારીઓને દેખાતી ન હોય તેમ આટલા સમય સુધી કામગીરી ન થતા હવે લોકોમાં રોષ જોવા મળી રહ્યો છે. સૌથી મોટો સાવલ એ છે કે, શા માટે પ્રોજેક્ટો અધૂરા છોડી દેવામાં આવે છે?

બધા જ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ