હેલ્થ / સ્ટ્રેસ, થાક કે શરીરના દર્દને દૂર કરવાની સાથે અનેક રોગમાં રાહત આપે છે આ આસન, ફાયદા જાણી આજથી કરો ટ્રાય

• શવાસનના છે અનેક ફાયદા
• સરળ રીતે કરો રોજ કરો શવાસન
• શરીરનો થાક દૂર કરવાની સાથે મળે છે અનેક ફાયદા

 
વર્ક ફ્રોમ હોમ હોય કે વર્ક ફ્રોમ ઓફિસ. બંને કામમાં થાક તો લાગે જ છે. ખાસ કરીને ડેસ્ક જોબમાં તમે દિમાગ અને આંખ પર સૌથી વધારે થાક અને ભાર અનુભવો છો. સાથે લેપટોપ અને મોબાઈલમાં પણ કામ કરવાથી સમસ્યા રહે છે. જો તમે થાકની સાથે હંમેશા શરીરમાં દર્દની ફરિયાદ અનુભવો છો તો તમારે શવાસન કરવાનું શરૂ કરવું જોઈએ. આ આસન સૌથી સરળ આસન છે. તેમાં તમારે ખાસ પ્રયાસ પણ કરવાનો નથી અને તમને અઢળક ફાયદા મળે છે. તો જાણો કેવી રીતે કરશો શવાસન. 

 
આ રીતે કરો શવાસન

• શવાસનમાં તમારે ફક્ત સૂવાનું છે. સૌથી પહેલા ઘરના એ ખૂણાને શોધી લો જ્યાં શાંતિ હોય.
• હવે અહીં એક આસન કે ચટાઈ પાથરો અને પીઠના ભાગે તેની પર આડા પડો.
• બંને હાથને શરીરથી 5 ઈંચના અંતરે રાખો.
• બંને પગની વચ્ચે ઓછામાં ઓછું 1 ફૂટનું અંતર રાખો. 
• હથેળીને આકાશ તરફ રાખો અને હાથને ઢીલા રાખો. 
• શરીરને પણ ઢીલું છોડી દો. 
• આંખો બંધ કરી લો. હવે થોડો થોડો શ્વાસ લો.
• સમગ્ર ધ્યાન શ્વાસ પર કેન્દ્રિત કરો. 

આ છે શવાસન કરવાના ફાયદા

• શવાસન કરવાથી સ્ટ્રેસ ઓછો થાય છે. 
• હાઈ બીપી, ડાયાબિટીસ, મનો વિકાર, દિલની બીમારીમાં પણ આ આસન લાભદાયી છે.
• આ યોગાસન કરવાથી શરીરનો થાક દૂર થાય છે અને મનને શાંતિ મળે છે. 
• શવાસન કરવાથી યાદશક્તિ અને એકાગ્ર શક્તિ વધે છે. 

 
આ સાથે સૌથી જરૂરી છે કે તમે મોબાઈલ, ટીવી વગેરે ગેજેટ્સની મદદને તમારા ઉપયોગ પૂરતી સીમિત રાખો. એટલે કે તમારા ટાઈમ પાસ માટે ક્યારેય ગેજેટ્સનો ઉપયોગ ન કરો. તેનાથી મગજ નબળું બને છે અને સાથે દરેક કામ માટે આ ગેજેટ્સના ઉપયોગની આદત પડે છે.