મ્યુનિસિપલ કોર્પોરેશનમાં આવકના એકમાત્ર સ્ત્રોતના સમાન પ્રોપર્ટી ટેક્સના બિલનું આગામી તા.૧પ જૂનની પહેલા વિતરણ હાથ ધરાય તેવી શક્યતા છે. તંત્રએ ગત નાણાકીય વર્ષ ર૦૧૮-૧૯માં પહેલી વખત પ્રોપર્ટી ટેક્સના રૂ.૯પ૦ કરોડના નિર્ધારિત લક્ષ્યાંક કરતાં વધારે રૂ.૯પપ કરોડની આવક મેળવી હતી.
જ્યારે ચાલુ નાણાકીય વર્ષ ર૦૧૯-ર૦ માટે રૂ.૧૦પ૦ કરોડનો લક્ષ્યાંક રખાયો છે. આ વખતે પ્રોપર્ટી ટેક્સ બિલમાં યુઝર્સ ચાર્જ તરીકે વધારાનો ચાર્જ ઉમેરાશે. જે રહેણાકની મિલકતમાં રોજનો એક રૂપિયા પ્રમાણે વર્ષના ૩૬પ અને બિનરહેણાકમાં રોજના બે રૂપિયા પ્રમાણે વર્ષના રૂ.૭૩૦ લેવાશે. આ યુઝર્સ ચાર્જ ગત તા.૧ ઓકટોબર, ર૦૧૮થી અમલમાં મુકાયો હોઇ નાગરિકોએ યુઝર્સ ચાર્જનાં બાકી નાણાં ચૂકવવાની પણ તૈયારી રાખવી પડશે.
શહેરમાં આશરે ર૦.પ૦ લાખ રહેણાક અને બિનરહેણાક મિલકતો હોઇ ગત વર્ષે ઉત્તર ઝોનની વાર્ષિક આકારણી હાથ ધરાઇ હતી. આ આકારણી પૂર્ણતાના આરે હોઇ આગામી જુલાઇથી દક્ષિણ ઝોનની આકારણી હાથ ધરાશે. આ વખતે ઉત્તર-પશ્ચિમ ઝોનની કુલ ર.પ લાખ મિલકતો તેમજ દક્ષિણ-પશ્ચિમ ઝોનની કુલ ૧.૭૦ મિલકત મળીને કુલ ૪.ર૦ લાખ મિલકતધારકોને ઝોન દીઠ બિલ મળશે. જે અત્યાર સુધી નવા પશ્ચિમ ઝોન હેઠળ અપાતા હતા.