અમેરિકાની વાયુસેનાનાં લડાકૂ વિમાનો અને ડ્રોને તાલિબાનનાં કેટલાય ઠેકાણાઓ પર ગણી ગણીને હુમલા કરવામાં આવ્યા છે.
અફઘાનિસ્તાનનાં અડધા જિલ્લાઓ પર તાલિબાનનાં કબજા બાદ અમેરિકા એક્શનમાં આવ્યું
અમેરિકન વાયુસેનાએ તાલિબાનનાં ઠેકાણાઓ પર આખી રાત કર્યા હુમલા
અફઘાનિસ્તાનથી અમેરિકાની વાપસી બાદ અત્યાર સુધીનો સૌથી મોટો હુમલો
અફઘાનિસ્તાનમાં અત્યારે યુદ્ધ જેવી પરિસ્થિતિ છે, ખૂંખાર આતંકવાદી સંગઠન તાલિબાન દ્વારા વિવિધ જગ્યાઓ પર કબજો કરવામાં આવી રહ્યો છે અને દાવો છે કે આગામી સમયમાં તાલિબાનનું શાસન જ અફઘાનિસ્તાનમાં હશે ત્યારે હવે અમેરિકા છેક હવે એક્શનમાં આવ્યું છે.
અમેરિકાએ આખરે સૈન્ય કાર્યવાહી કરી
અમેરિકાની વાયુસેનાનાં લડાકૂ વિમાનો અને ડ્રોને તાલિબાનનાં કેટલાય ઠેકાણાઓ પર ગણી ગણીને હુમલા કરવામાં આવ્યા છે. અમેરિકન રક્ષા મંત્રાલય પેન્ટાગન દ્વારા તેની પુષ્ટિ કરવામાં આવી છે. માનવામાં આવી રહ્યું છે કે અફઘાનિસ્તાનથી અમેરિકાની વાપસી બાદ આ અત્યાર સુધીનો સૌથી મોટો હુમલો છે. આ પહેલા અમેરિકાએ તાલિબાનને ચેતવણી આપી હતી કે જો હિંસા બંધ કરવામાં આવશે નહીં તો હવાઈ હુમલાઓ કરવામાં આવશે.
અફઘાનિસ્તાનમાં તાલિબાનનું રાજ
વોઇસ ઓફ અમેરિકાનાં અહેવાલ અનુસાર જે સૈન્ય ઉપકરણો પર તાલિબાને કબજો કરી લીધો હતો તેના પર આ કાર્યવાહી કરવામાં આવી છે. નોંધનીય છે કે તાલિબાનનો દાવો છે કે અફઘાનિસ્તાનનાં મોટા ભાગનાં ક્ષેત્રો પર હવે તેનું રાજ ચાલે છે જ્યારે વૈશ્વિક મીડિયા રિપોર્ટ પણ માની રહ્યા છે કે અફઘાનિસ્તાનનાં 400થી વધારે જિલ્લા પર તાલિબાને પોતાનું શાસન સ્થાપી દીધું છે.
'ગૃહ'યુદ્ધ
નોંધનીય છે કે અફઘાનિસ્તાનમાંથી અમેરિકા પોતાની સેનાને પાછી બોલાવી રહ્યું છે અને હવે પ્રક્રિયા પૂર્ણ થવાના આરે છે, જ્યારથી અમેરિકાનાં સૈનિકો દેશ છોડીને ગયા છે ત્યારથી જ તાલિબાન આક્રમક છે અને અનેક સૈનિકો તથા નાગરિકોનો નર સંહાર કરી છે વિવિધ ક્ષેત્રો પર પોતાનું રાજ બનાવી રહ્યું છે. અફઘાનિસ્તાનનાં સૈનિકો એકલા હાથે લડી રહ્યા છે ત્યાં આરોપ એવા પણ છે પાકિસ્તાનથી પણ કેટલાક આતંકવાદીઓને તાલિબાનની મદદ માટે મોકલવામાં આવી રહ્યા છે.