અમેરિકાના રક્ષા વિભાગે તરફથી એક વીડિયો જારી કરવામાં આવ્યો છે. જેમાં જોવા મળી રહ્યું છે કે કેવી રીતે અમેરિકાની સેનાના કમાન્ડોની ટીમે આતંકી સંગઠન ઇસ્લામિક સ્ટેટ (IS) વડા અબૂ બક્ર અલ-બગદાદીના ઠેકાણાને ઘેરી લીધો હતો.
જો કે આ વીડિયો માત્ર 10 સેકેન્ડ જ છે અને તેમા માત્ર એટલું જોવા મળી રહ્યું છે કે કમાન્ડો બગદાદીના ઠેકાણા તરફ આગળ વધી રહ્યાં છે. જો કે આ જોતા એવી લાગી રહ્યું છે કે આ કોઇ ડ્રોન દ્વારા લેવામાં આવ્યો છે.
અલ-કાયદાના આકા ઓસામા બિન લાદેન બાદ અબૂ બક્ર અલ-બગદાદી દુનિયાનો સૌથી મોસ્ટ વોન્ટેડ આતંકી હતો. તેના વિરુધ્ધ ઉત્તર-પશ્ચિમ સીરિયામાં અમેરિકાએ શનિવારે રાત દરમિયાન ચલાવામાં આવેલા વિશેષ અભિયાનમાં ઠાર માર્યો. .
"...at the compound, fighters from two locations in the vicinity of the compound began firing on U.S. aircraft participating in the assault."
- Gen Frank McKenzie CDR USCENTCOM pic.twitter.com/SkrtHNDs7w
ઇરાક અને સીરિયામાં તથાકથિત 'ખલીફા'ની જાહેરાત કરવા તેમજ દૂનિયાભરમાં પવિત્ર યુદ્ધના નામ પર ખૂનખરાબી કરવા માટે દોષી હતો. આતંકી સંગઠન ઇસ્લામિક સ્ટેટ (IS) નો વડો પોતાના મોત વખતે 48 વર્ષનો હતો.
તેણે ધર્મના નામે હજારો નાગરિકોને મોતને ઘાટ ઉતાર્યા હતા. ક્રૂર દંડ દ્વારા આતંકી સંગઠન IS એ આ વિસ્તારમાં પોતાનું શાસન લાગુ કર્યું હતું. આતંકી બગદાદીના શાસનકાળને વિશેષ રીતે બર્બર તરીકે યાદ કરવામાં આવશે.