ગુડ ન્યૂઝ / પેન્શનર્સને નવા વર્ષમાં મળ્યો મોટો ફાયદો, સરકારે આ સર્ટિફિકેટને લઈને આપી મોટી રાહત

• પેન્શનર્સને નવા વર્ષમાં મળ્યો મોટો ફાયદો
• સરકારે લાઈફ સર્ટિફિકેટ જમા કરાવવાની તારીખ લંબાવી
• હવે  28 ફેબ્રુઆરી 2021 સુધીમાં જમા કરાવવાનું રહેશે લાઈફ સર્ટિફિકેટ

કેન્દ્ર સરકારે પેન્શનર્સને માટે કોરોના મહામારીમાં મોટો નિર્ણય લીધો છે. જેમાં હવે પેન્શનર્સ 1 નવેમ્બર 2020થી 28 ફેબ્રુઆરી 2021 સુધીમાં પોતાનું લાઈફ સર્ટિફિકેટ જમા કરાવી શકશે. પેન્શનર્સને તેમનું પેન્શન કોઈ પણ અડચણ વિના મળતું રહેશે. 

સરકારે 80 વર્ષથી વધારે પેન્શનર્સને આપી આ ખાસ સુવિધા

સરકારી નિયમો અનુસાર દરેક પેન્શનર્સને દર વર્ષે નવેમ્બરમાં લાઈફ સર્ટિફિકેટ જમા કરાવવાનું રહે છે. આ પછી તેનું પેન્શન ચાલુ રાખવામાં આવે છે. જો કોઈ પેન્શનર્સ નક્કી સમયે સર્ટિફિકેટ જમા કરાવતા નથી તો તેનું પેન્શન રોકી દેવામાં આવે છે. એવામાં કેન્દ્ર સરકારે 80 વર્ષથી વધુ ઉંમરના પેન્શનર્સ માટે 1 ઓક્ટોબરથી લાઈફ સર્ટિફિકેટ જમા કરાવવાની સુવિધા આપી છે.

5 મિનિટ અને 70 રૂપિયામાં બનશે લાઈફ સર્ટિફિકેટ

તમે સેવાનિવૃત્ત કર્મચારી છો અને ચાલવામાં સક્ષમ નથી તો પેન્શન લેવાનું પ્રમાણપત્ર બનાવવા તમારે ગભરાવવાની જરૂર નથી. પોસ્ટ વિભાગના કર્મચારીઓ તમને ઘરે બેઠા પ્રમાણપત્ર 5 મિનિટમાં બનાવી આપશે. તે પણ ફક્ત 70 રૂપિયામાં.

કેન્દ્ર સરકાર, રાજ્ય સરકાર અને અન્ય સરકારી સંસ્થાઓના પેન્શનભોગી આ સેવાનો લાભ લઈ શકે છે. પોસ્ટ ઓફિસના પોસ્ટમેન ઘરે આવીને પાંચ મિનિટમાં બાયોમેટ્રિક લાઈફ સર્ટિફિકેટ બનાવી દેશે અને તમારે તેમને 70 રૂપિયા આપવાના રહેશે. 

આધાર નંબરની રહેશે જરૂર
પેન્શનર્સની પાસે આધાર નંબર હોવો જરૂરી છે. આ સિવાય પીપીઓ નંબર, મોબાઈલ નંબર પોસ્ટઓફિસમાં આપવાનો રહેશે. પોસ્ટમેન આધારની મદદથી ડિજિટલ જીવન પ્રમાણપત્ર જાહેર કરી આપશે. જે  જાતે જ પેન્શન જાહેર કરનારા સંબંધિત વિભાગ કે બેંકમાં અપડેટ થઈ જશે. 

SBIએ લાઈફ સર્ટિફિકેટ જમા કરાવવા માટે ઓનલાઈન સુવિધા આપી છે. આ માટે બેંકે કહ્યું કે pensionseva.sbiની મદદ લઈ શકાય છે. આ સિવાય ઉમંગ એપની મદદ પણ લઈ શકાય છે. આધાર સેન્ટર અને કોમન સર્વિસ સેન્ટર માટે પણ લાઇફ સર્ટિફિકેટ જમા કરાવી શકાય છે. જે પેન્શનર બેંક જઈ શકતા નથી તે મેજિસ્ટ્રેટની ઓફિસ કે ગેઝેટેડ ઓફિસરની સાઈન કરાવીને લાઈફ સર્ટિફિકેટ જમા કરાવી શકે છે. દરેક પેન્શન મેળવનારા કર્મચારીઓને 30 નવેમ્બર સુધીમાં લાઈફ સર્ટિફિકેટ જમા કરાવવાનું રહે છે. 

Umang એપથી કેવી રીતે જમા કરશો સર્ટિફિકેટ

UMANG App માં તમને Jeevan Pramaan service પર જાઓ.આ પછી મોબાઈલથી biometric device કનેક્ટ કરો.જીવન પ્રમાણ સર્વિસના આધારે General Life Certificate ના ટેબ પર ક્લિક કરો. હવે તમે Pension Authentication માં જાઓ. અહીં તમારો આધાર અને મોબાઈલ નંબર દેખાશે, બંને ચીજો સાચી છે તો generate OTP પર ક્લિક કરો. તમારા મોબાઈલ પર આવેલા OTP નંબરને એન્ટર કરો. અને સબમિટ કરો. હવે બાયોમેટ્રિક ડિવાઈસની મદદથી ફિંગરપ્રિન્ટ સ્કેન કરો.  તે મેચ થતાંની સાથે જ  Digital Life Certificate તૈયાર થશે. સર્ટિફિકેટ જોવા માટે View Certificate પર ક્લિક કરો. આધાર નંબરની મદદથી તેને જોઈ શકાશે.