ઈટાનગર / અરુણાચલમાં પેમા ખાંડુ પર ભરોસો કાયમ, મુખ્યમંત્રી તરીકે રિપિટ, પાર્ટીને ઐતિહાસિક જીત અપાવી

ઓડિશા બાદ ભાજપે અરુણાચલ સીએમનું નામ પણ જાહેર કર્યું છે. ભાજપે સીએમ તરીકે પેમા ખાંડુને રિપિટ કર્યાં છે. રાજધાની ઈટાનગરમાં યોજાયેલી ભાજપ ધારાસભ્ય દળની બેઠકમાં તેમને દળના નેતા તરીકે ચૂંટી કાઢવામાં આવ્યાં હતા. પેમા ખાંડુ ગુરુવારે સવારે સીએમ પદના શપથ ગ્રહણ કરશે. ધારાસભ્ય દળની બેઠકમાં નેતા ચૂંટાયા બાદ પેમા ખાંડુ રાજ્યપાલ કેટી પરનાયક પાસે જઈને સરકાર રચવાનો દાવો કર્યો હતો.

ભાજપની ઐતિહાસિક જીતના પ્રહરી છે પેમા ખાંડુ

ભાજપને ઐતિહાસિક જીત અપાવવામાં સૌથી મોટો ફાળો પેમા ખાંડુનો છે, તેમની લીડરશીપમાં જ ભાજપને રાજ્યમાં ત્રીજી વાર જીત મળી છે. ભાજપે તેમના પર ભરોસો કાયમ રાખતાં તેમને ફરી સીએમ તરીકે રિપિટ કર્યાં છે.

તવાંગની મુક્તો બેઠક પરથી બિનહરીફ ચૂંટાયા

પેમા ખાંડુએ તાજેતરની વિધાનાસભા ચૂંટણીમાં ભાજપને ઐતિહાસિક જીત અપાવી છે. તેઓ સરહદી જિલ્લા તવાંગની મુક્તો બેઠક પરથી બિનહરીફ ચૂંટાયા છે. ભાજપે તેમના પર ફરી વિશ્વાસ મૂક્યો છે.

વધુ વાંચો : VIDEO : ભાવુક ચંદ્રબાબુ નાયડુ ઘણી વાર સુધી PM મોદીને ગળે વળગી રહ્યાં, અદ્દભુત વીડિયો

ભાજપને મળી છે 46 બેઠકો

અરુણાચલ પ્રદેશમાં ભાજપે સતત ત્રીજી વાર સત્તામાં વાપસી કરી છે. આ વખતે ભાજપે અરુણાચલની 60 વિધાનસભા બેઠકોમાંથી 46 વિધાનસભા બેઠકો પર જીત હાંસલ કરી છે.