અનિલ અંબાણી ઉપરાંત, કંપનીના અન્ય અધિકારી જેમના ફોન નંબર યાદીમાં સામેલ છે. તેમાં કોરપોરેટ સંચાર પ્રમુખ ટોની જેસુદાસનની સાથે તેમની પત્ની પણ છે.
લિસ્ટમાં અમુક બિજા નામો હોવાની જાણકારી
નંબર લિકની લિસ્ટમાં શામેલ અંબાણીનું નામ
કોર્પોરેટ સંચાર પ્રમુખની પત્નીનું નામ પણ શામેલ
અનીલ અંબાણીની મુશ્કેલીઓ વધતી જોવા મળી રહી છે. હકીકતે હવે પેગાસસ જાસૂસી મામલામાં ઉદ્યોગપતિ અનિલ અંબાણીની સાથે એડીએ સમુહના એક વરિષ્ઠ અધિકારીનો ફોન પણ કથિત રૂપથી હેક કર્યો હોવાની આશંકા દર્શાવવામાં આવી છે. આ લિસ્ટમાં અમુક બીજા નામોની લિસ્ટ જાહેર કરવામાં આવી છે. જેમાં અનિલ અંબાણીનું નામ પણ છે.
એક ખબર અનુસાર જે ફોન નંબરનું અનિલ અંબાણી અને રિલાયન્સ અનિલ ધીરુભાઈ અંબાણી સમૂહના એક અન્ય અધિકારીએ ઉપયોગ કર્યો, તે નંબર તે લીકની લિસ્ટમાં શામેલ છે. જેનું વિશ્લેષણ પેગાસસ પરિયોજના સમૂહના મીડિયા ભાગીદારોએ કર્યું હતું.
કોર્પોરેટ સંચાર પ્રમુખની પત્નીનું નામ પણ શામેલ
રિપોર્ટમાં કહેવામાં આવ્યું છે કે, "અનિલ અંબાણી ઉપરાંત, કંપનીના અન્ય અધિકારી જેમના ફોન નંબર સુચીમાં શામેલ છે. તેમનામાં કોર્પોરેટ સંચાર પ્રમુખ ટોની જેસુદાસનની સાથે તેમની પત્ની પણ શામેલ છે. તેમાં એવું પણ કહેવામાં આવ્યું છે કે તેની પુષ્ટિ ન કરી શકાય કે અનિલ અંબાણી હાલમાં તે ફોન નંબરનો ઉપયોગ કરે છે કે નહીં. આ વિશે હાલ એડીએજીનો રિપોર્ટ વિશે પ્રતિક્રિયા નથી મળી."
શું કહે છે રિપોર્ટ
રિપોર્ટ અનુસાર ભારતમાં દસો એવિએશનના પ્રતિનિધિ વેન્કટ રાવ પોસિના, સાબ ઈન્ડિયાના પૂર્વ પ્રમુખ ઈન્દ્રજીત સિયાલ અને બોઈંગ ઈન્ડિયાના પ્રમુખ પ્રત્યુષ કુમારના નંબર પણ 2018 અને 2019માં વિવિધ સમયગાળામાં લીક આંકડામાં શામેલ છે. તે આ સમય વખતે ફ્રાન્સના રાષ્ટ્રપતિ એમેનુઅલ મેક્રાની ભારત યાત્રા વખતે વધુ પ્રતિનિધિમંડળમાં શામેલ હતા.
કોના નંબર થયા હતા હેક
હકીકતે ગયા રવિવારે એક આંતરરાષ્ટ્રીય મીડિયા ગ્રુપે ખુલાસો કર્યો હતો કે ફક્ત સરકારી એજન્સીઓને જ વેચવામાં આવતા ઈઝરાયલના જાસૂસી સોફ્ટવેર દ્વારા ભારતના બે કેન્દ્ર મંત્રીઓ, 40થી વધુ પત્રકારો, વિપક્ષના ત્રણ નેતાઓ અને એક જજ સહિત મોટી સંખ્યામાં વ્યાપારીઓ અને કાર્યકર્તાઓના 300થી વધુ મોબાઈલ નંબર હેક થયા હોવાની સંભાવના છે.