હવે અમે તમને બે એવા દ્રશ્યો બતાવીશું જે એક સિકકાની બે બાજુ ઉજાગર કરે છે. મગફળી ધોતા ખેડૂતનો વીડિયો શું સામે આવ્યો કે નજર સામે તાજી થઈ મગફળીકાંડની યાદ. મગફળીમાં માટી ભેળવવાની ઘટનાઓએ ગુજરાતમાં ખાસ્સી એવી ચર્ચા જગાવી હતી. બે દ્રશ્યોમા સ્પષ્ટ જોઈ શકાય છે કે એક દ્રશ્યમાં મગફળીમા માટી ભેળવેલી જોવા મળે છે અને કહેવાતા અધિકારીઓ ધ્યાન નથી આપી રહ્યા જ્યારે બીજી તરફ લોકો સુધી માટી ભળેલી મગફળી ન જાય તે માટે ખેડૂત જાતે જ પાણીથી મગફળી ધોઈ રહ્યો છે.
ગુજરાતમાં સામે આવી ચૂક્યા છે મગફળીકાંડ
ગામડામાં રહેતા ખેડૂત પરિવારે ઇમાનદારીનું ઉદાહરણ આપ્યું
ખેડૂતે માટી ચોટેલો પાક માર્કેટમાં ન જાય તે માટે પાણીથી મગફળી ધોઇ
એક ગુજરાતીની નિષ્ઠાનો પુરાવા સામે આવ્યો છે. જેમાં ગીર સોમનાથના ગામડામાં રહેતા ખેડૂત પરિવારે ઇમાનદારીનું ઉદાહરણ આપ્યું છે. જેમાં વરસાદને લઇને પાકમાં માટી ચોટી ગઇ હતી. જેથી ખેડૂતે માટી ચોટેલો પાક માર્કેટમાં ન જાય અને વેપારીને ન વેચાય તે માટે પાણીના વોકરામાં મગફળી ધોઇ હતી.
ભ્રષ્ટ અધિકારીઓ ખેડૂતોના નામે ખોટા પૈસા ઉભા કરતા હોય છે. ત્યારે ખેડૂતોએ લીધોલ પાકમાં વરસાદને લઇને માટી ચોટી ગઇ હતી. જેને લઇને ટ્રેલર ભરીને નદીમાં મગફળીને ધોઇ હતી. મોટી સંખ્યામાં મગફળી ધોઇ હતી. ઇમારદારી પૂર્વક માર્કેટમાં સારી મગફળી જઇ શકે તેવા પ્રયત્નો કરતા હોય છે પરંતુ અધિકારીઓ માટી અને કાંકરા ભેળસેળ કરે છે. ગોડાઉનમાં તો ખુબ સારી સાફ મગફળી પહોંચતી હોય છે પરંતુ ત્યારબાદ મગફળી ખરીદાય છે. બાદમાં અચાનક ગોડાઉનની મગફળીમાં ઘૂળ, કાંકરા આવી જતા હોય છે.
અગાઉ અનેક કૌભાંડો બહાર આવી ચૂક્યા છે ત્યારે હવે તમામ લોકોએ આ વીડિયોમાંથી સબક લેવાની જરૂર છે. કૌભાંડીઓએ આમાંથી બોધપાઠ લેવાની જરૂર છે. આ છે સાચો ખેડૂત જે માટી દૂર કરવામાં નુકસાની માટે પણ તૈયાર છે. આને કહેવાય નિષ્ઠા.