મગફળીની ખરીદીમાં કૌભાંડઃ વીડિયો વાયરલ બાદ કાર્યવાહી સિવિલ સપ્લાયના આસિ. મેનેજરને કરાયા સસ્પેન્ડ

રાજકોટઃ ટેકાના ભાવે મગફળી ખરીદીમાં અનેક કૌભાંડો બહાર આવ્યા છે. ત્યારે તેમાં વધુ એક કૌભાંડનો ઉમેરો થયો છે. રાજકોટ જિલ્લા કલેક્ટરને ભ્રષ્ટાચાર અંગે ફરિયાદ મળી હતી. જેમાં સિવિલ સપ્લાયના આસિ. મેનેજર પર આક્ષેપ લગાવવામાં આવ્યા છે. 

મગફળીના નમૂના પાસ કરાવવા માટે નાણાં લીધા હોવાનો આક્ષેપ કરવામાં આવ્યો હતો. જેને લઈને જિલ્લા કલેક્ટરે તપાસ હાથ ધરી હતી. સિવિલ સપ્લાયના આસિ. મેનેજર એસ.એમ.સોલંકીને સસ્પેન્ડ કરાયા છે. એસ.એમ.સોલંકી સામે પોલીસ કાર્યવાહી કરાશે.

મહત્વનું છે કે સિવિલ સપ્લાયના આસિસ્ટન્ટ મેનેજરના પુત્રનો વીડિયો વાયરલ થયો હતો. બાઇક પર મગફળીની હેરાફેરી કરતો વીડિયો વાયરલ થયો હતો. જેતાકુબા ગામના ખેડૂતે કલેક્ટરને વીડિયો મોકલ્યો હતો. જેથી જિલ્લા કલેક્ટરે દ્વારા તપાસ હાથ ધરવામાં આવી હતી.