નિવેદન / અમેરિકાની સંસદમાં હિંસક પ્રદર્શનથી PM મોદી પણ ચિંતિત, ટ્રમ્પને આપી આવી સલાહ

અમેરિકાની હિંસા પર પ્રધાનમંત્રી નરેન્દ્ર મોદીએ કહ્યું કે વોશિંગટન ડીસીમાં હિંસા અને અથડામણ અંગેના સમાચાર જોવ્યાં બાદ પરેશાન થયો છું. સત્તાનું વ્યવસ્થિત અને શાંતિપૂર્ણ પરિવહન ચાલવું યોગ્ય છે. લોકશાહીની પ્રક્રિયાને ગેરકાયદેસર વિરોધ પ્રદર્શનના માધ્યમથી પ્રભાવિત થવા ન દેવી જોઇએ.

"Distressed to see news about rioting & violence in Washington DC. Orderly and peaceful transfer of power must continue. The democratic process cannot be allowed to be subverted through unlawful protests," says Prime Minister Narendra Modi pic.twitter.com/BVlzOouFyo

— ANI (@ANI) January 7, 2021

પ્રધાનમંત્રી નરેન્દ્ર મોદીએ ગુરુવારના રોજ અમેરિકાના વોશિંગ્ટનમાં થયેલી હિંસા પર ચિંતા વ્યક્ત કરી છે. પ્રધાનમંત્રી નરેન્દ્ર મોદીએ કહ્યું કે લોકશાહીમાં સત્તાનું હસ્તાંતરણ (Transfer Power) શાંતિપૂર્ણ રીતે થવું જરુરી છે. 

ઉલ્લેખનીય છે કે વોશિંગ્ટનમાં હજારોની સંખ્યામાં ડોનાલ્ડ ટ્રમ્પના સમર્થકો કેપિટલ હિલ પર કબ્જો કરવાનો પ્રયત્ન કર્યો, સીનેટમાં અથડામણ જોવા મળી. 

પીએમ મોદીએ પોતાના ટ્વિટ લખ્યું કે વોશિંગટન ડીસીમાં હિંસા અને ઉપદ્રવના સમાચારે તેમને દુઃખી કર્યાં છે. સત્તાનું ટ્રાન્સફર સાચી અને શાંતિપૂર્ણ રીતે થવું જરુરી છે. આ પ્રકારના પ્રદર્શનો દ્વારા લોકશાહીની પ્રક્રિયાને નુકસાન ન પહોંચાડી શકાય.

માત્ર પ્રધાનમંત્રી નરેન્દ્ર મોદી જ નહીં પરંતુ દેશના ઘણા દિગ્ગજ નેતાઓએ અમેરિકાની હિંસા પર ચિંતા વ્યકત કરી છે. બ્રિટિશ પ્રધાનમંત્રી બોરિસ જોનસને ટ્વિટ કરી કહ્યું કે અમેરિકામાંથી જેવા સમાચાર આવી રહ્યાં છે તે ચિંતા વધારનારા છે, બધાએ શાંતિથી કામ લેવું જોઇએ. તે સિવાય કેનાડાના પીએમ જસ્ટિસ ટ્રૂડો, ઓસ્ટ્રેલિયાના પીએમ સ્કોટ મોરિસન, ન્યૂઝીલેંડના પીએમ જેસિંડા પણ ટ્વિટ કરી અમેરિકા હિંસાની ટીકા કરી છે. 
 

Twitter locks account of outgoing US President Donald Trump for 12 hours following removal of three of his tweets. https://t.co/EJUdTx3t49 pic.twitter.com/jdQpJ6C3xF

— ANI (@ANI) January 7, 2021

ટ્રમ્પનું ટ્વિર એકાઉન્ટ પર 12 કલાકનો પ્રતિબંધ

US કેપિટલમાં હિંસા બાદ ડોનાલ્ડ ટ્રમ્પે કરેલા ત્રણ ટ્વિટ હટાવામાં આવ્યાં છે. જેમાં એ વીડિયોનો પણ સમાવેશ થતો હતો જેમાં ટ્રમ્પે સમર્થકોને સંબોધિત કર્યા હતા. આ સાથે ટ્વિટરે ટ્રમ્પનું એકાઉન્ટ 12 કલાક માટે સસ્પેન્ડ કરી દીધું છે. 

ટ્રમ્પના નિવેદન બાદ હિંસા

રાષ્ટ્રપતિ ડોનાલ્ડ ટ્રમ્પે સંસદના સંયુક્ત સત્ર શરુ થવાના ઠીક પહેલા કહ્યું કે ચૂંટણીમાં હારનો સ્વીકાર  નહીં કરે. ટ્રમ્પે આરોપ લગાવ્યો કે તેમાં ગોટાળો થયો છે અને આ ગોટાળો તેમના ડેમોક્રેટિક પ્રતિસ્પર્ધી જો બાઇડન માટે કરવામાં આવ્યો, જે હાલ નવા રાષ્ટ્રપતિ તરીકે ચૂંટાયેલા છે. ત્યાર બાદ હિંસા  ભડકી. 

વોશિંગ્ટનમાં કેમ લાગ્યો કર્ફ્યૂ?   

• રાષ્ટ્રપતિની ચૂંટણી બાદથી ટ્રમ્પ-બિડેન વચ્ચે ખેંચતાણ
• ટ્રમ્પ સમર્થકોએ કેપિટલ બિલ્ડિંગમાં હોબાળો કર્યો
• હોબાળા દરમિયાન ફાયરિંગમાં એક મહિલાનું મૃત્યુ
• સમર્થકોને સંબોધિત કરનારો ટ્રમ્પનો વીડિયો ફેસબુકે હટાવ્યો
• ટ્રમ્પ સતત ચૂંટણી પરિણામોમાં ગોટાળા થયાનો લગાવી રહ્યા હતા આરોપ
• ટ્રમ્પ સમર્થકોનો હોબાળા બાદ વોશિંગ્ટનમાં કર્ફ્યૂ લગાવાયો

હોબાળા પર બિડેને શું કહ્યું?  

• ટ્રમ્પને મારી અપીલ છે કે તેમણે લીધેલા શપથ પૂર્ણ કરે
• બંધારણનું રક્ષણ કરો અને ઘેરાબંધી બંધ કરે
• કેપિટલ બિલ્ડિંગ પર થયેલો હુમલો રાજદ્રોહ

સમર્થકોએ શા માટે કર્યો હોબાળો?

• કેપિટલ બિલ્ડિંગમાં ચૂંટણીના પરિણામો માટે બેઠક મળી હતી
• ટ્રમ્પના સમર્થકોએ કેપિટલ બિલ્ડિંગ બહાર હોબાળો કર્યો હતો
• ટ્રમ્પે પોતે હાર નહીં સ્વીકારે તેવો વીડિયો જાહેર કર્યો હતો 
• ટ્રમ્પના સંબોધન બાદથી ભડકી હિંસા 
• હિંસા ભડકતા ફેસબુક અને ટ્વીટરે ટ્રમ્પનો વીડિયો હટાવ્યો
• બીજી તરફ ટ્રમ્પે પણ સમર્થકોને શાંતિ જાળવવા અપીલ કરી હતી