કેન્દ્ર સરકારના મંત્રીઓના કાશ્મીર પ્રવાસ પર કટાક્ષ કરતા પીડીપી અધ્યક્ષ અને રાજ્યના પૂર્વ મુખ્યમંત્રી મહેબૂબા મુફ્તીએ તેને માત્ર 'ફોટો ખેંચાવવા'ની કવાયત બતાવી. મહેબૂબાએ પોતાના ટ્વિટમાં આ વાતનો ઉલ્લેખ કર્યો કે ખીણમાં હજુ પણ ઇન્ટરનેટ પર પ્રતિબંધ છે પરંતુ દુનિયાની સામે દેખાડો કરવા માટે કે કાશ્મીરમાં બધુ સામાન્ય છે, આવા પ્રવાસ કરાવામાં આવી રહ્યા છે.
મહેબૂબા મુફ્તી કહ્યું, કાશ્મીર ખીણમાં હજુ પણ ઇન્ટરનેટ પર પ્રતિબંધ છે
દુનિયાની સામે કાશ્મીરમાં બધુ સામાન્ય છે બતાવવા આવા પ્રવાસ કરાવામાં આવી રહ્યા છે
મહેબૂબાના ટ્વિટર એકાઉન્ટ પર પોસ્ટ ટ્વિટમાં કહેવામાં આવ્યું છે, 'વિસ્તારમાં સ્થિતિ સામાન્ય છે એ બતાવવાની કલાકારી પૂર્ણ જોર પર છે. કાશ્મીરમાં ઇન્ટરનેટ પર પ્રતિબંધ ચાલુ છે. રાજકીય નેતા કસ્ટડીમાં છે. ખીણમાં મોટા પ્રમાણમાં દેખરેખ અને સેનાની હાજરી છે, તેની વચ્ચે બનાવટી ફોટો સેશન ચાલી રહ્યું છે.'
બુધવારે મુખ્તાર અબ્બાસ નકવી કાશ્મીરમાં હતા
નોંધનીય છે કે, 5 ઓગસ્ટ 2019, જ્યારથી કાશ્મીરમાં અનુચ્છેદ 370ને હટાવી દેવામાં આવી છે, મહેબૂબ મુફ્તી કસ્ટડીમાં છે. તેમની પુત્રી ઇલ્તિજા મુફ્તી પોતાની માતાનું ટ્વિટર હેન્ડલ ચલાવી રહી છે. બુધવારે કાશ્મીરના લાલ ચોકમાં કેન્દ્રીય મંત્રી મુખ્તાર અબ્બાસ નકવીના પ્રવાસ બાદ મહેબૂબા તરફથી આ ટ્વિટ કરવામાં આવ્યું છે. મોટાભાગના કાશ્મીરમાં ઇન્ટરનેટ પર પ્રતિબંધની સાથે-સાથે મહેબૂબા ઉપરાંત ઉમર અબ્દુલ્લા, ફારુખ અબ્દુલ્લા જેવા મોટા નેતાઓ કસ્ટડીમાં છે.
Normalcy acrobatics in full swing. Kashmir continues to reel under a crippling internet shutdown & political leaders remain detained. There is massive surveillance & heavy troop presence yet curated photo ops continue https://t.co/uPpRzVPi3W
કેન્દ્ર સરકારે 36 મંત્રીઓ મોકલવાનો નિર્ણય લીધો હતો
હાલમાં જ કેન્દ્ર સરકારે પોતાના 36 મંત્રીઓેને જમ્મૂ કાશ્મીરના અલગ-અલગ વિસ્તારોના પ્રવાસે મોકવાનો નિર્ણય લીધો હતો. સરકારના આ નિર્ણયના ક્રમમાં 18 જાન્યુઆરીથી કેન્દ્ર સરકારના અલગ-અલગ મંત્રી કાશ્મીરના વિવિધ જિલ્લાઓનો પ્રવાસ કરી રહ્યા છે. મુખ્તાર અબ્બાસ નકવી ઉપરાંત કેન્દ્રીય મંત્રી સ્મૃતિ ઇરાની, જિતેન્દ્ર સિંહ, કિરેન રિજિજૂ, અનુરાગ ઠાકુર પણ અત્યાર સુધીમાં પ્રદેશનો પ્રવાસ કરી ચૂક્યા છે.