રાજ્યમાં અવારનવાર દારૂ ઝડપાતો હોવાની ઘટનાને જોતા એવું સ્પષ્ટપણે દેખાઇ રહ્યું છે કે, ગાંધીના ગુજરાતમાં દારૂબંધી હોવાની વાતો માત્ર કાગળ પર જ છે.
PCBએ ચાંદખેડામાંથી ઝડપ્યો દોઢ કરોડનો દારૂ
PCBએ 650 પેટી વિદેશી દારૂનો જથ્થો ઝડપ્યો
ચાંદખેડા વિસ્તારમાં દારૂનું કટિંગ થતું હોવાનું જાણવા મળ્યું
રાજ્ય (Gujarat) માં અવારનવાર દારૂની હેરાફેરી થતી હોવાની ઘટનાઓ સામે આવતી રહે છે. એમાંય અમદાવાદ અને સુરત જેવા મહાનગરોમાં તો અનેકવાર દારૂનો જથ્થો ઝડપાતો હોય છે. ત્યારે ગાંધીના ગુજરાતમાં દારૂબંધીના માત્ર દાવાઓ વચ્ચે અમદાવાદમાં ફરીવાર દારૂનો મસમોટો જથ્થો ઝડપાયો છે. PCBએ ચાંદખેડામાંથી દોઢ કરોડનો દારૂ ઝડપી પાડ્યો છે.
PCBએ 650 પેટી વિદેશી દારૂનો જથ્થો ઝડપ્યો
PCBએ 650 પેટી વિદેશી દારૂનો જથ્થો ઝડપ્યો છે. આ ઘટનામાં ચાંદખેડા વિસ્તારમાં દારૂનું કટિંગ થતું હોવાનું જાણવા મળી રહ્યું છે. જો કે, હજુય મુદ્દામાલની સંખ્યામાં વધારો થઈ શકે છે.
તમને જણાવી દઇએ કે, દારૂનો આ જથ્થો રાજસ્થાનથી આવતો હતો અને તેને છેક સૌરાષ્ટ્રમાં મોકલવામાં આવતો હતો. હાલમાં આ ઘટનામાં પોલીસે 3 આરોપીઓની ધરપકડ કરી લીધી છે.
વિજાપુરમાંથી 1.31 લાખના દારૂ સાથે 3 બુટલેગરની ધરપકડ
બીજી બાજુ મહેસાણાના વિજાપુરના કુકરવાડા પાસેથી વિદેશી દારૂ ભરેલી કાર ઝડપાઈ છે. સાથે 3 બુટલેગરની પણ ધરપકડ કરવામાં આવી છે. મળતી માહિતી મુજબ, કુકરવાડા પાસે દારૂ ભરેલી કારનું અન્ય કાર પાયલોટિંગ કરી રહી હતી, તે દરમિયાન પોલીસે રેડ પાડી હતી. જેથી આરોપી કાર લઇને ફરાર થયા હતા. જેનો પીછો કરીને પોલીસે 3 આરોપી સાથે 1.31 લાખનો દારૂ જપ્ત કર્યો છે. જો કે, અન્ય 4 આરોપી ફરાર થયા છે. જેથી પોલીસે તમામ આરોપી વિરુદ્ધ ફરિયાદ દાખલ કરીને આગળની કાર્યવાહી હાથ ધરી છે.