બનાવટી / રાજ્યમાં વધુ એક લઠ્ઠાકાંડ થતા રહી ગયો, અમદાવાદમાંથી નકલી બ્રાન્ડેડ દારૂ બનાવતી ફેક્ટરી ઝડપાઇ, PCBએ 1ને ઝડપ્યો

• અમદાવાદના ન્યૂ રાણીપ વિસ્તારમાંથી દારૂની ફેક્ટરી ઝડપાઈ
• અલગ-અલગ કંપનીની બોટલમાં બનાવટી દારૂ મળી આવ્યો
• PCBએ રેડ કરી મોટી માત્રામાં બનાવટી દારૂ ઝડપી પાડ્યો

રાજ્યમાં વધુ એક લઠ્ઠાકાંડ થતા થતા રહી ગયો જાણીતી બ્રાન્ડના નામે બનાવટી વિદેશી દારૂ બનાવતા ઈસમોને જાપ્તામાં લેવામાં આવ્યા છે. બોટાદ કેમિકલ કાંડ બાદ દેશી દારૂ નું વેચાણ કરતા લોકો પર પોલીસ સખત કાર્યવાહી કરી રહી છે.ત્યારે આણંદમાં બાદ બાદ અમદાવાદમાં પણ નકલી ઈંગ્લીશ દારૂ બનાવતી  ફેકટરી પકડાઈ છે.

બુટલેગરો મોંઘીદાટ કિંમતના બનાવટી દારૂ બનાવતા હતા
અમદાવાદમાં ન્યુ રાણીપમાં આવેલ જુની કાચની બોટલના ગોડાઉનમાં ભગારના નામે અહીંયા નકલી ઈંગ્લીશ દારૂ બનાવમાં આવતો હતો. ન્યુ રાણીપમાં આવેલ ગોડાઉનમા શકર મારવાડી નામના વ્યક્તિ અને મોહમ્મદ છીપા નામના બને આરોપી એસેન્સ ( કલર) ,આલ્કોહોલ,અને પાણી મિક્ષ કરીને દરોજ અલગ અલગ મોંઘી કિંમતનું ઈંગ્લીશ દારૂ બનાવીને બોટલોમાં સિલ કરીને વેચાણ કરતા રંગેહાથ ઝડપાઇ ગયા છે.

કોની રહેમ નજર હેઠળ બનાવટી દારૂની ફેક્ટરી ચાલતી હતી તે એક મોટો સવાલ
શકર મારવાડી નામના આરોપી એ આ જગ્યા 10 હજાર રૂપિયાના માસિક કિંમતે ભાડે રાખી હતી. અને છેલ્લા 6 મહિનાથી શકર અને મોહમ્મદ છીપા નામના આરોપી પાસેથી દારૂની ખાલીબોટલો લાવીને નકલી ઈંગ્લીશ દારૂ બનાવતા હતા. અને દરોજ 1 લાખથી પણ વધારે કિંમતનો દારૂ વેચના કરતા હોય તેવી પ્રાથમિક માહિતી મળી છે. નશા માફિયાઓએ પોલીસ કે કોઈ અજાણી વ્યક્તિ અંદર પ્રવેશીના શકે તે માટે 3 કુતરાઓ રાખ્યા હતા. જેથી કોઈ બહારની વ્યક્તિ આવે તો ડાયરેકટ અટેક કરે. PCBએ બાતમીના આધારે રેડ કરીને મોહમ્મદ છીપા નામના આરોપીની ધરપકડ કરી છે. જ્યારે શકર મારવાડી નામનો આરોપી ફરાર છે તેણે ઝબ્બે કરવાની કાર્યવાહી હાથ ધરી છે.