RBI એ ડિજિટલ પેમેન્ટ સર્વિસ દિગ્ગજ Paytmને શેડ્યૂલ બેંકનો દરજ્જો આપ્યો છે.Paytm પેમેન્ટ્સ બેંક લિમિટેડને RBI એક્ટ હેઠળ સામેલ કરાઈ
RBIએ Paytmને શેડ્યૂલ બેંકનો દરજ્જો આપ્યો
આ સમાચાર સાથે Paytmના શેરમાં ઉછાળો આવ્યો
બેંકના દર પર લોન લઈ શકાશે
RBIએ Paytmને શેડ્યૂલ બેંકનો દરજ્જો આપ્યો
રિઝર્વ બેંક ઓફ ઈન્ડિયાએ ડિજિટલ પેમેન્ટ સર્વિસ આપતી દિગ્ગજ કંપની Paytmને શેડ્યૂલ બેંકનો દરજ્જો આપ્યો છે. Paytm દ્વારા જાહેર કરાયેલા એક નિવેદન અનુસાર, Paytm પેમેન્ટ્સ બેંક લિમિટેડને ભારતીય રિઝર્વ બેંક એક્ટ, 1934ની બીજી સૂચિમાં સામેલ કરવામાં આવી છે. નોંધનીય છે કે જાન્યુઆરી 2017માં પેટીએમને તેની પોતાની પેમેન્ટ બેંક શરૂ કરવા માટે આરબીઆઈની મંજૂરી મળી હતી.
આ સમાચાર સાથે Paytmના શેરમાં ઉછાળો આવ્યો
કંપનીએ જાણકારી આપતા જણાવ્યું કે, એક શેડ્યુલ્ડ પેમેન્ટ્સ બેંક હોવાને કારણે, Paytm પેમેન્ટ્સ બેંક હવે નવી બિઝનેસ તકો શોધી શકે છે. આ સમાચાર બહાર આવ્યા પછી, Paytm શેરમાં એકદમ ઉછાળો આવ્યો અને BSE પર Paytmનો શેર 5.87 ટકા વધીને રૂ. 1,645ના સ્તરે પહોંચ્યો.
બેંક RFP માં ભાગ લઈ શકશે
Paytm દ્વારા જણાવવામાં આવ્યું હતું કે અમારી બેંક હવે સરકાર અને અન્ય મોટા કોર્પોરેશનો દ્વારા જારી કરાયેલા રિક્વેસ્ટ ઑફ પ્રપોઝલ્સ (RFP)માં ભાગ લઈ શકશે. નોંધનીય છે કે ભારતીય રિઝર્વ બેંકે સપ્ટેમ્બર મહિનામાં આ નિર્ણય લીધો હતો અને ઓક્ટોબરમાં તેનું નોટિફિકેશન બહાર પાડ્યું હતું, પરંતુ તેની સત્તાવાર જાહેરાત કંપની દ્વારા ગુરુવારે કરવામાં આવી હતી.
Paytmને આ સુવિધાઓ મળશે
શેડ્યૂલ બેંકનો દરજ્જો મેળવ્યા પછી, Paytm પેમેન્ટ્સ બેંક હવે ફિક્સ્ડ રેટ અને વેરિયેબલ રેટ રેપો અને રિવર્સ રેપો, માર્જિનલ સ્ટેન્ડિંગ ફેસિલિટીમાં ભાગ લઈ શકે છે. આ સાથે, બેંક હવે સરકાર દ્વારા ચલાવવામાં આવતી નાણાકીય સમાવેશ યોજનાઓમાં ભાગીદારી માટે પણ પાત્ર બનશે.
બેંકના દર પર લોન લઈ શકાશે
નોંધનીય છે કે, શેડ્યુલ બેંકો આરબીઆઈ દ્વારા બનાવેલા નિયમોનું પાલન કરે છે. તેઓ આરબીઆઈ પાસે બેંક રેટ પર લોન મેળવી શકે છે. અને ક્લિયરિંગ હાઉસમાં મેમ્બરશિપ મેળવી શકે છે. વધુમાં, અનુસૂચિત બેંકોને રોજબરોજની બેંકિંગ પ્રવૃત્તિઓ માટે રિઝર્વ બેંક પાસેથી નાણાં ઉછીના લેવાની પરવાનગી છે.