સુવિધા / Paytm યુઝર્સ માટે આવ્યા સારાં સમાચાર, લોકડાઉનમાં કેશની જરૂરિયાત માટે કંપનીએ શરૂ કરી આ નવી સુવિધા

• પેટીએમના યુઝર્સ માટે સારાં સમાચાર
• હવે લોકડાઉનમાં ઘરની બહાર કેશ લેવા નહીં જવું પડે
• બેંકે શરૂ કરી આ ખાસ નવી સુવિધા

આ લોકોને કોરોના સંકટમાં ઘરમાંથી બહાર નીકળવું ન પડે. આ નવી સેવાની મદદથી પેટીએમ પેમેન્ટ્સ પબેંક પર વિથડ્રોલ માટે રિકવેસ્ટ મોકલી શકો છો અને કેશ તેમના ઘરે ડિલીવર કરવામાં આવશે. 

શું છે પ્રોસેસ

કોઈપણ સીનિયર સિટીઝન જેનું બેંકમાં સેવિંગ એકાઉન્ટ છે, તેઓ એપમાં જઈને રિક્વેસ્ટ ટેબ પર રમક એન્ટર કરીને સબમિટ કરવાનું રહેશે. ત્યારબાદ બેંક કર્મચારી તમારા રજિસ્ટર્ડ એડ્રેસ પર 2 દિવસની અંદર કેશ ડિલીવર કરી દેશે. તમે ઓછાંમાં ઓછા 1000 રૂપિયા અને વધુમાં વધુ 5000 રૂપિયા ઘરે ડિલીવરી કરાવી શકો છો. બેંક મુજબ આ કેશ એટ હોમની સુવિધા આપવાનું લક્ષ્ય ગ્રાહકોની બેકિંગ સેવાઓને વધુ સુવિધાજનક અને સરળ બનાવવું છે. 

પેટીએમ બેંકએ હાલમાં જ ડાયરેક્ટ બેનેફિટ્સ ટ્રાન્સફરની સુવિધા પણ શરૂ કરી હતી, જેમાં ગ્રાહક 400થી વધુ સરકારી સબ્સિડીનો લાભ સીધા તેમના PPBL સેવિંગ એકાઉન્ટમાં ટ્રાન્સફર કરી શકે છે. બેંકને આશા છે કે, તેમની આ નવી સુવિધાથી ગ્રાહકોને બેંક અથવા એટીએમ જવાની પરેશાની દૂર થશે અને આ લોકડાઉનની સ્થિતિમાં મદદ મળશે. 

શું છે પેટીએમ પેમેન્ટ બેંક

RBIએ બેંકોનું એક નવું મોડલ બનાવ્યું છે. જેને Payment Bank નામ આપવામાં આવ્યું છે. Payment Bank નામથી જ સમજી શકાય છે કે આ એક પેમેન્ટ બેંક છે. જેનો ઉપયોગ ગ્રાહકો ઉપલબ્ધ સેવાઓ માટે ઓનલાઈન પેમેન્ટ કરવા માટે કરી શકે છે.  

આ એક બેંક છે એટલે તમે પેટીએમ પેમેન્ટ બેંકમાં 1 લાખ રૂપિયા સુધી જમા કરી શકો છો. જેમાં તમને 4 ટકા વાર્ષિક દરે વ્યાજ પણ મળશે. પેમેન્ટ બેંકનું મોટાભાગનું કામકાજ ઓનલાઈન થાય છે. Payments બેંકોનું ફિઝિકલી કોઈ અસ્તિત્વ નથી હોતું. આ બેંક તમને ડેબિટ કાર્ડ, ઓનલાઇન બેકિંગ અને મોબાઈલ બેકિંગ જેવી સેવાઓ ઉપલબ્ધ કરાવે છે.