સુવિધા / હવે 2 મિનિટમાં મળશે લાખોની લોન, Paytmએ શરૂ કરી જબરદસ્ત સેવા

• હવે 2 મિનિટમાં મળશે લાખોની લોન
• ડિજિટલ પેમેન્ટ સર્વિસ પ્લેટફોર્મ પેટીએમએ ઇન્સ્ટન્ટ પર્સનલ લોન સેવા શરૂ કરી છે
• પેટીએમની આ સેવા વર્ષના બધાં દિવસોમાં ઉપલબ્ધ રહેશે

માત્ર 2 જ મિનિટમાં મળી જશે લોન

પેટીએમની આ સેવા વર્ષના બધાં દિવસોમાં ઉપલબ્ધ રહેશે એટલે કે તમે વર્ષના 365 દિવસ લોન લઈ શકો છો. આ સેવા દ્વારા યુઝર્સને 2 મિનિટમાં લોન મળી જશે. પેટીએમની આ સેવા દ્વારા 2 લાખ સુધીની ઈન્સ્ટન્ટ લોન મળી શકે છે. આ લોન ક્રેડિટ સ્કોર અને શોપિંગ પેટર્નના આધારે મળશે. 

પેટીએમ અનુસાર, ગ્રાહકો 18થી 36 મહિનાની ઇએમઆઈમાં લોનની રકમ ચુકવી શકે છે. પેટીએમએ ગ્રાહકોને 2 મિનિટમાં લોન આપવા માટે નોન-બેંકિંગ ફાઇનાન્સિયલ કંપનીઓ (એનબીએફસી) સાથે જોડાણ કર્યું છે. કંપનીનું કહેવું છે કે આનાથી પગારદાર લોકો, નાના વેપારના માલિકો અને વ્યાવસાયિકોને લોન સરળતાથી મળી રહેશે. 

આ લોન એનબીએફસી અને બેંકો દ્વારા આપવામાં આવશે. આ પગલાંથી ગ્રાહકો માટેના ઔપચારિક નાણાકીય બજારના ક્ષેત્રમાં 'નવું ક્રેડિટ' આવશે અને નાના શહેરો અને નગરોના વ્યક્તિઓને પણ સશક્ત બનાવશે. જેમની પાસે પરંપરાગત બેંકિંગ સંસ્થાઓ સુધી પહોંચ નથી. 

જે લોકો તરત શોર્ટ ટર્મ લોન મેળવવા માંગે છે તેમની તાત્કાલિક જરૂરિયાતોને પૂર્ણ કરશે. રસ ધરાવતા ગ્રાહકો પેટીએમ એપ્લિકેશનના ફાઇનાન્સિયલ સર્વિસિસ વિભાગમાં જઈને અને પછી પર્સનલ લોન્સ ટેબ પર ક્લિક કરીને આગળની પ્રક્રિયા પૂર્ણ કરી શકે છે. તમને જણાવી દઈએ કે, બીટા ફેઝ દરમિયાન કંપનીએ 400 પસંદ કરેલાં ગ્રાહકોને લોન આપી છે. 

પેટીએમનો હેતુ લોનને વધુ સરળ બનાવવાનો છે

પેટીએમ લેંડિંગના સીઇઓ ભાવેશ ગુપ્તા કહે છે કે લોકો તેમની તાત્કાલિક જરૂરિયાતોને પહોંચી વળવા આ સુવિધા મેળવી શકે છે. ઘણાં સ્થળોએ બેંકિંગ સેવા દુર્ગમ હોવાને કારણે લોકો તેમના સપના પૂર્ણ કરવામાં અસમર્થ છે. પરંતુ હવે લોકો આ નવી પહેલથી ઈન્સ્ટન્ટ લોન લઇ શકશે.