ડિજિટલ પેમેન્ટ / Paytmના ગ્રાહકો માટે સારાં સમાચાર, હવે 24 કલાક મળશે આ ખાસ સુવિધા

• પેટીએમના ગ્રાહકો માટે ખુશખબર
• 24 કલાક ટ્રાન્સફર કરી શકાશે ફંડ
• પેટીએમએ ફંડ ટ્રાન્સફરની લિમિટ વધારી

આ સાથે, પેટીએમ એકમાત્ર એવી પેમેન્ટ એપ્લિકેશન બની છે જે 24 કલાક ફંડ ટ્રાન્સફરની સુવિધા આપશે. ઉલ્લેખનીય છે કે પેટીએમ પર યૂપીઆઈ અને આઈએમપીએસની સુવિધા પહેલાથી જ મળે છે. આ ત્રણેય માધ્યમ એટલે કે યૂપીઆઈ, આઈએમપીએસ અને NEFT દ્વારા ગ્રાહકો ગમે તે સમયે પૈસા ટ્રાન્સફર કરી શકશે. એટલું જ નહીં પેટીએમના ગ્રાહકો NEFT દ્વારા એકવારમાં 10 લાખ રૂપિયા સુધીની રકમ ટ્રાન્સફર કરી શકે છે. જો ફોન પે અને ગૂગલ પે જેવા યૂપીઆઈ પી2પી (પીયર ટૂ પીયર) એપની વાત કરીએ તો તેમાં એકવારમાં માત્ર એક લાખ રૂપિયા જ મોકલી શકાય છે. 

પેટીએમએ ગ્રાહકોને આપી ફાસ્ટ પેમેન્ટની સુવિધા

એક ન્યૂઝ એજન્સી મુજબ પેટીએમ પેમેન્ટ્સ બેંકના મુખ્ય અધિકારી (સીઈઓ) અને મેનેજિંગ ડિરેક્ટર (એમડી) સતીશ ગુપ્તાએ કહ્યું પેટીએમ એકમાત્ર એવો પ્લેટફોર્મ છે જ્યાં યુઝર્સ NEFT, IMPS,UPI અને કાર્ડ્સનો ઉપયોગ કરીને તાત્કાલિક ચૂકવણી કરી શકે છે. વધુમાં તેમણે કહ્યું, પૈસા ટ્રાન્સફર કરવાની લિમિટ પેટીએમમાં વધારી દેવાઈ છે. જેને અમને વિશ્વાસ છે કે, ગ્રાહકો અમારા પ્લેટફોર્મનો વધુ ઉપયોગ કરશે. તેનાથી પેટીએમ પેમેન્ટ્સ બેંક કરંટ અકાઉન્ટ ચલાવતી કંપનીઓ અને ઉદ્યોગોને લાભ થશે, કારણ કે હવે તે ગમે તે દિવસે 24 કલાક 50 લાખ રૂપિયા સુધીની લેવડ-દેવડ કરી શકશે.