Paytm મોલમાં થશે 5000 વિદ્યાર્થીઓની ભરતી આ રીતે કરો રજીસ્ટ્રેશન

Paytmમોલ કેમ્પસ આઇકોન પ્રોગ્રામની હાલ બીજી એડિશન કરવામાં આવી છે.  આ  માટે 5000 કોલેજીયન વિદ્યાર્થીઓની ભરતી કરવાનો લક્ષ્ય છે. આ કાર્યક્રમ અંતર્ગત 5 અઠવાડિયા સુધી ફોકસ્ડ લર્નિગ પ્રોગ્રામ યોજવામાં આવશે.

જેના કારણે ભાગ લેનાર વિદ્યાર્થીઓની પોતાના વ્યવસાય અંગેની સમજનો ખ્યાલ કેળવી શકશે. આ પ્રોગ્રામમાં જોડાનાર વિદ્યાર્થીને ટેક્નોલોજી માર્કેટિંગ અને સેલ્સના ક્ષેત્રમાં અલગ-અલગ કામ સોંપવામાં આવશે જેનાથી તે વિદ્યાર્થીઓની સ્કિલમાં વધારો થશે.

1 લાખ રૂપિયા સુધીની નકદ ભેટ તથા જોબ ઓફર પણ કરવામાં આવશે.
આપને જણાવી દઇએ કે પ્રોગ્રામમાં ટોપ પરફોરમન્સ આપનારની જાહેરાત 10 ઓક્ટોબરના રોજ દિલ્હી-NCRમાં Paytm કેમ્પસમાં કરવામાં આવશે. આ પ્રોગ્રામમાં સ્થાન મેળવનારને એક લાખ નકદ ભેટ સ્વરૂપે અને સારા હોદ્દાની નોકરીની ઓફર પણ આપવામાં આવશે. 

આપને જણાવી દઇએ કે આ કાર્યક્રમમાં આ પહેલા 2007માં યોજવામાં આવ્યો હતો. આ સમયે 2200 વિદ્યાર્થીઓની ભરતી કરવામાં આવી હતી. Paytmના ચીફ ઓપરેટિંગ ઓફિસરે આ મામલે જણાવ્યું હતું કે અમારા પ્રથમ આયોજનની સફળતા બાદ આગામી સમયમાં અમે બીજો કાર્યક્રમ યોજવા જઇ રહ્યા છીએ. આ કાર્યક્રમ હેઠળ દેશભરના કેટલાય વિદ્યાર્થીઓને જોડવામાં આવ્યા હતા અને આગામી સમયમાં પણ જોડવામાં આવશે.

આવી રીતે કરો એપ્લાય
આ સિવાય કંપની Paytm અને ઇનટેલ ઇંન્ડિયા સાથે મળીને આ સેમિનારનું આયોજન કરવા જઇ રહી છે. જેનો હેતુ વિદ્યાર્થીઓને ટેકનોલોજીના ક્ષેત્રમાં બારીકાઇ અવગત કરાવવાનો છે. Paytm મોલ કેમ્પસ આઇકોન રજિસ્ટ્રેશનમાં હાલ 25 રાજ્યોના 6000 કોલેજિયન વિદ્યાર્થીઓ માટે લાઇવ છે. જેમાં વિદ્યાર્થી campusicon.paytmmall.com  પર જઇને લોગ ઇન કરી શકે છે અને નોમિનેશન ફાઇલ કરી શકે છે.