ડિજિટલ વોલેટ પેમેન્ટ આમ તો, લોકોને કેટલીય સુવિધાઓ પુરી પાડે છે. પણ હવે ડિજિટલ પેમેન્ટ કંપની પેટીએમે યુઝર્સને મોટો ઝટકો આપ્યો છે.
મોંઘવારી પર જનતાને વધુ એક ફટકો
ફોન પે બાદ હવે પેટીએમમાં રિચાર્જ કરવું મોંઘુ પડશે
પેટીએમ રિચાર્જ પર સરચાર્જ લેવાનું શરૂ કર્યું
ડિજિટલ વોલેટ પેમેન્ટ આમ તો, લોકોને કેટલીય સુવિધાઓ પુરી પાડે છે. પણ હવે ડિજિટલ પેમેન્ટ કંપની પેટીએમે યુઝર્સને મોટો ઝટકો આપ્યો છે. જો આપ આપના પેટીએમ અકાઉન્ટ દ્વારા કોઈ મોબાઈલ રિચાર્જ કરશો, તો આપને સરચાર્જ આપવો પડશે. હકીકતમાં હવે મોબાઈલ વોલેટ પેટીએમ મોબાઈલ રિચાર્જ પર સરચાર્જ લઈ રહ્યું છે. આ સરચાર્જ દરેક પ્રકારના પેમેન્ટ જેમ કે પેટીએમ વોલેન્ટ બેલેન્સ અથવા યુનિફાઈડ પેમેન્ટ્સ ઈંટરફેસ અથવા બેંક ક્રેડિટ અથવા ડેબિટ કાર્ડ મોડ પર લેવામા આવી રહ્યું છે. જે 1થી 6 રૂપિયાની વચ્ચે હોઈ શકે છે.
ફોન પેએ તો અગાઉ સરચાર્જ લેવાનું શરૂ કરી દીધું છે
પેટીએમ પહેલા જ ફોન પેએ મોબાઈલ રિચાર્જ પર સરચાર્જ લેવાનું શરૂ કરી દીધું છે. પેટીએમ હાલમાં જે યુઝર્સ પાસેથી સરચાર્જ લઈ રહ્યું છે, તે એ કસ્ટમરને રિચાર્જ કરતી વખતે સરચાર્જ તરીકે નોટિફિકેશન આપી રહ્યું છે. તો વળી ટ્વિટર પર કેટલાય પીટીએમ યુઝર્સે દાવો કર્યો છે કે, ડિજિટલ વોલેટ પેમેન્ટ સુવિધા સેવા ચાર્જ લેવાનું શરૂ કરી દીધું છે. આપને જણાવી દઈએ કે, સરચાર્જ 100 રૂપિયાથી ઉપરના તમામ ટ્રાંજેક્શન પર લાગૂ પડે છે.
ક્યાં કારણે આ ચાર્જ વસૂલી રહ્યા છે, તેને લઈને કોઈ ખુલાસો આપ્યો નથી
પેટીએમ પોતાના રેવન્યૂને વધારવા માટે યુઝર્સ પાસેથી સરચાર્જ વસૂલી રહ્યું છે. 2019માં પેટીએમે ટ્વિટર પર એક પોસ્ટ કરી હતી, કે તે UPI અને વોલેટ સહિત કોઈ પણ પ્રકારના પેમેન્ટ પર ગ્રાહકો પાસેથી કોઈ સુવિધા અથવા લેવડદેવડ માટેનો ચાર્જ વસૂલશે નહીં, પેટીએમની માફક એક રીતે ફોન પેએ ઓક્ટોબરમાં સરચાર્જ લેવાનું શરૂ કરી દીધું હતું. જો કે, પોન ફે અને પેટીએમ બંને તરફથી એ પુષ્ટિ થઈ શકી નથી, કે તે ક્યા કારણે આ સરચાર્જ વસૂલી રહ્યા છે.