નવી સુવિધા / હવે આ Appની મદદથી પણ કરી શકાશે Corona Vaccinationને માટે ફટાફટ બુકિંગ, જાણો કંપનીએ શું કરી જાહેરાત

• Paytmની વધુ એક નવી સુવિધા
• હવે વેક્સીનેશન સ્લોટ માટે પણ કરાવી શકાશે બુકિંગ
• જાણો એપ પર કઈ રીતે કરાવશો સ્લોટનું બુકિંગ

 
ફાયનાન્શિયલ ટેક્નોલોજી કંપની પેટીએમએ સોમવારે કહ્યું કે તેણે પોતાના ગ્રાહકો  માટે કોરોના વેક્સીનેશનના સ્લોટનું બુકિંગ કરાવવાની સુવિધા શરૂ કરી છે. તેનાથી ગ્રાહકોને સરળતા રહેશે અને ફટાફટ સ્લોટ બુકિંગ કરાવી શકાશે. 

સરળતાથી કરાવી શકાશે આ રીતે સ્લોટ બુકિંગ
કંપનીએ એક નિવેદનમાં કહ્યું છે કે Paytm યૂઝર્સ હવે પેટીએમ એપની મદદથી સૌથી નજીકના વેક્સીનેશન કેન્દ્ર પર સ્લોટ શોધી શકશે અને તેનું બુકિંગ પણ કરાવી શકશે. આ સેવા ભારતીયોને વેક્સિન લગાવવામાં અને પ્રતિરોધક ક્ષમતા મેળવવા માટે સરળતાથી સ્લોટ બુક કરવામાં મદદ મળશે. તેનાથી હાલની મહામારીની વિરોધમાં લડવાનો સહયોગ મળશે. કોવિનના પ્રમુખ આર એસ શર્માએ હાલમાં કહ્યું કે Paytm, મેકમાઈટ્રિપ અને ઈન્ફોસિસ જેવા પ્રમુખ ડિજિટલ કંપની સહિત એક ડઝનથી વધારે કંપનીઓ વેક્સિન માટે બુકિંગ સેવા પૂરી પાડવાની મંજૂરીની માંગ કરી રહી છે.  
 

ગયા મહિને જાહેર થયો હતો આ નવો નિયમ
આપને જણાવી દઈએ કે સરકારે ગયા મહિને કોવિનને થર્ડ પાર્ટી એપ્લિકેશનની સાથે જોડવા માટે નવા નિર્દેશ જાહેર કર્યા હતા. તેનાથી ડિજિટલ એપને માટે આ રીતની સુવિધા ઉપલબ્ધ કરાવવાનો રસ્તો સાફ થયો હતો. આ પહેલા મે મહિનામાં પોતાના કસ્ટમર્સને વેક્સિનના સ્લોટ શોધવામાં મદદ કરવાના હેતુથી પોતાના એપ પર વેક્સિન ફાઉન્ડરની સુવિધા શરૂ કરી હતી. Paytmના એક પ્રવક્તાએ કહ્યું છે કે અમારી કોશિશ છે કે અમે આ મહામારીમાં ભારતને  મજબૂત કરવામાં મદદ કરી શકીશું. અમારા વેક્સિન ફાઈન્ડરથી નાગરિકોને સૌથી નજીકના કેન્દ્રમાં સ્લોટ સરળતાથી બુક કરાવવામાં મદદ મળશે અને તેઓ સરળતાથી વેક્સિન લઈ શકશે.