ગૂગલ પે, ગૂગલ પેટીએમ અને ફોન-પે સહિત થર્ડ પાર્ટી પેમેન્ટ એપ્લિકેશન દ્વારા UPI (Unified Payment Interface) પેમેન્ટ કરનારા લોકો માટે મહત્વના સમાચાર છે. નેશનલ પેમેન્ટ્સ કોર્પોરેશન ઓફ ઈન્ડિયાએ 1 જાન્યુઆરી, 2021થી થર્ડ પાર્ટી એપ્લિકેશન પ્રોવાઈડર્સ પર 30 ટકા કેપ લગાવવાનો નિર્ણય લીધો છે. NPCIએ થર્ડ પાર્ટી એપ્સના એકાધિકારને ખતમ કરવા માટે આ નિર્ણય લીધો છે.
UPIથી પેમેન્ટ કરનારા લોકો માટે મહત્વના સમાચાર છે
તમામ UPI એપ્સને લઈને 1 જાન્યુઆરીથી લાગૂ થશે નવો નિયમ
નેશનલ પેમેન્ટ્સ કોર્પોરેશન ઓફ ઈન્ડિયાએ એક પ્રેસ રિલીઝ જારી કરીને કહ્યું છે કે, થર્ડ પાર્ટી એપ પ્રોવાઈડર્સ પર 30 ટકા કેપ લગાવવાનો નિર્ણય લેવામાં આવ્યો છે. એનપીસીઆઈએ આ નિર્ણય ભવિષ્યમાં કોઈપણ થર્ડ પાર્ટી એપની મોનોપોલીને રોકવા અને સાઈઝ પ્રમાણે તેને મળતા વિશેષ ફાયદાઓને રોકવા માટે લેવામાં આવ્યો છે. એનપીસીઆઈના આ નિર્ણયથી યુપીઆઈ ટ્રાન્ઝેક્શનમાં કોઈપણ એક પેમેન્ટનો એકાધિકાર નહીં હોય.
એનપીસીઆઈ દ્વારા થર્ડ પાર્ટી એપ્લિકેશન પ્રોવાઈડર્સ પર 30 ટકાની કેપ લાદીને આ એપ્લિકેશનો યુપીઆઈ ટ્રાન્ઝેક્શનમાં એકાધિકાર નહીં બને. આ નિર્ણયથી આવનારા સમયમાં થર્ડ પાર્ટી એપ્લિકેશનોના એકાધિકારને રોકી શકાશે. સરકાર દ્વારા કહેવામાં આવ્યું છે કે દેશમાં દર મહિને 200 કરોડ યુપીઆઈ ટ્રાન્ઝેક્શન થાય છે. આ યુપીઆઈ ટ્રાન્ઝેક્શન વિવિધ પેમેન્ટ એપ્લિકેશન દ્વારા કરવામાં આવે છે. સરકારનું કહેવું છે કે આગામી દિવસોમાં દેશમાં યુપીઆઈ ટ્રાન્ઝેક્શનનો આંકડો હજી વધશે.
હકીકતમાં યુપીઆઈ ટ્રાન્ઝેક્શનમાં હજી વધારો થવાની ધારણા છે, તેથી એનપીસીઆઈ થર્ડ પાર્ટી એપ ટ્રાન્ઝેક્શન પર લગામ લગાવી રહ્યું છે. 1 જાન્યુઆરી પછી એપ્લિકેશન ટોટલ વોલ્યૂમના 30 ટકા ટ્રાન્ઝેક્શન કરી શકશે. આ સાથે 1 જાન્યુઆરી 2021થી છેતરપિંડીને રોકવા માટે એક નવી સિસ્ટમ શરૂ કરવામાં આવી રહી છે.
5 લાખથી વધુના તમામ ચેક પોઝિટિવ પે ચેક સિસ્ટમ દ્વારા જ ક્લિઅર કરવામાં આવશે. ચેક આપતી વખતે ગ્રાહક પોતે બેંકકર્તાની માહિતી આપશે. બેંક ચેક લેનારા અને ચેક આપનારાની માહિતી મળ્યા બાદ જ ક્લિઅરન્સ આપશે.