કોરોના વાયરસ / ઇટલીથી પરત ફરેલ Paytm કર્મચારી પણ કોરોનાની ઝપેટમાં, જાણો શું કહ્યું કંપનીએ

• ભારતમાં કોરોના વાયરસથી 20થી વધુ કેસ
• દિલ્હી-એનસીઆર પણ કોરોના વાયરસથી પ્રભાવિત

પેટીએમના તે કર્મચારીએ સોમવારે જ ઓફિસ જોઇન કરી હતી. જોકે તેઓ દિલ્હીના સફદરજંગ હોસ્પિટલમાં દાખલ છે, જ્યાં તેની સારવાર ચાલી રહી છે. તેને આજે જ હોસ્પિટલ લઇ જવાયો હતો. પેટીએમનો તે કર્મચારી તેના ગુરૂગ્રામ ઓફિસનો જણાય રહ્યો છે.

ઇટલીથી હાલમાં જ પરત ફર્યો હતો કર્મચારી

પેટીએમ પ્રવક્તાએ આ વીશે જણાવ્યુ હતું કે, અમારા ગુડગાંવની ઓફિસના એક સહયોગી, જે હાલમાં જ ઇટલીથી પરત ફર્યા છે, કે કોરોના વાયરસથી સંક્રમિત હોવાની પુષ્ટિ થઇ છે. તેઓ ઉચિત સારવાર લઇ રહ્યા છે અને અમે તેમના પરિવારને પુરો સપોર્ટ કરી રહ્યા છીએ.

Paytm: One of our colleagues based out of Gurgaon office who recently returned from Italy has sadly been tested positive for Coronavirus. He is receiving appropriate treatment. As a precautionary measure, we have suggested his team members to get health tests done immediately. pic.twitter.com/gXol1a4vOU

— ANI (@ANI) March 4, 2020

પેટીએમ દ્વારા કહેવામાં આવ્યું છે કે સાવચેતીના ભાગરૂપે તેમની ટીમના સભ્યોને તાત્કાલિક હેલ્થ ટેસ્ટ કરાવવા સલાહ આપી છે. તેની સાથે જ અમે પોતાના તમામ સહકર્મચારીઓને કેટલાક દીવસ સુધી ઘરેથી કામ કરવાની સલાહ આપી દીધી છે એટલે તે વચ્ચે અમે પોતાની ઓફિસને સેનિટાઇઝ કરી શકીએ.

પેટીએમએ કહ્યું કે જોકે, અમારા દૈનિક કાર્યોમાં આનો કોઇ પ્રભાવ નહીં પડે અને પેટીએમ સેવા હંમેશાની જેમ ચાલુ રહેશે.