ફિલ્મ અભિનેત્રી પાયલ રોહતગીએ અભિનેતા એજાઝ ખાન સામે અમદાવાદ સાયબર ક્રાઈમ બ્રાંચમાં અરજી આપી છે. પાયલનું કહેવું એમ છે કે એજાઝ ખાને એક વીડિયો સોશિયલ મીડિયામાં મુક્યો છે જેમાં તેની સામે ખોટા આક્ષેપ કર્યા છે અને સાથો સાથ ખરાબ ટિપ્પણી પણ કરી છે. એટલું જ નહીં એજાઝ ખાને જે રીતે ટિપ્પણી કરી છે અને ધમકી આપી છે તેનાથી તેના જીવનો જોખમ છે.
અમદાવાદ ફિલ્મ અભિનેત્રી પાયલ રોહતગી (Payal Rohatgi) એ અમદાવાદ સાયબર ક્રાઈમમાં ટીવીના રિયાલિટી શો બિગ બોસ (Bigg Boss) ફેમ વિરૂદ્ધ ફરિયાદ નોંધાવવા પહોંચી હતી. થોડાંક દિવસો અગાઉ એજાઝ ખાન (Ajaz Khan) નો એક વિડીયો સોશિયલ મીડિયામાં વાયરલ થયો હતો જેમાં એજાઝે ભડકાઉ વાતો કહી હતી કે જે અંગે પાયલે આક્ષેપ કર્યો છે કે આ વિડીયો દ્વારા એજાઝે તેને બદનામ કરવાની કોશિશ કરી છે અને તેના ચરિત્ર અંગે પણ ખોટી વાતો કરી છે. જેને સાયબર ક્રાઈમે અરજીને લઈને તપાસ પણ શરૂ કરી છે.
ફિલ્મ અભિનેત્રી પાયલ રોહતગીએ અભિનેતા એજાઝ ખાન સામે અમદાવાદ સાયબર ક્રાઈમ બ્રાંચમાં અરજી આપી છે. પાયલનું કહેવું એમ છે કે એજાઝ ખાને એક વીડિયો સોશિયલ મીડિયામાં મુક્યો છે જેમાં તેની સામે ખોટા આક્ષેપ કર્યા છે અને સાથો સાથ ખરાબ ટિપ્પણી પણ કરી છે. એટલું જ નહીં એજાઝ ખાને જે રીતે ટિપ્પણી કરી છે અને ધમકી આપી છે તેનાથી તેના જીવનો જોખમ છે. સાથો સાથ જે પ્રકારે તેને ટિપ્પણી કરી છે તેનાથી તેના પરિવારજનોને પણ દુઃખ થયું છે. પાયલે પોતાના વકીલ સાથે સાયબર ક્રાઈમમાં પહોંચીને અરજી આપી છે. સાયબર ક્રાઈમની સાથે સેટેલાઈટ પોલીસ સ્ટેશનમાં પણ અરજી કરાઈ છે.
પાયલ રોહતગી તેના વકીલ સાથે સાયબર ક્રાઈમ ફરિયાદ નોંધાવવા પહોંચી હતી પરંતુ આ અંગે સાયબર ક્રાઈમે હાલમાં અરજી લીધી હતી. કારણ કે વિડીયો અંગે મુંબઈમાં પણ ગુનો દાખલ થયેલ છે જેમાં એજાઝ ખાનની ધરપકડ થઇ ચુકી છે. તેમાં છતાં સાયબર ક્રાઈમે પાયલની અરજી સ્વીકારી હતી અને અરજી મુંબઈ પોલીસને મોકલી આપવાની કાર્યવાહી કરી હતી. એઝાઝ ખાનના વિવાદિત વીડિયો મામલે એઝાઝને આવતી કાલ સુધી પોલીસ કસ્ટડીમાં મોકલવામાં આવ્યો છે. ગઈ કાલે મુંબઈ સાયબર ક્રાઈમે તેની ધરપકડ કરી હતી. સાંપ્રદાયિક હિંસા ભડકાવવાનો એઝાઝ પર આરોપ છે. વિવાદિત વીડીયોમાં તેને મુંબઈ પોલીસનું પણ અપમાન કર્યું હતું.
મહત્વનું છે કે એજાઝ ખાને વીડિયોમાં બે સમુદાય વચ્ચે પણ અસ્પૃશ્યતા ફેલાય તે પ્રકારની ભડકાઉ વાતો કરી હતી. પાયલે એવો પણ આક્ષેપ કર્યો છે કે વીડીયોમાં પાયલને અપમાનિત કરવામાં આવી છે તે કઈ ફિલ્મમાં કામ કરે છે તે અંગે પણ એજાઝે ટીપ્પણી કરી છે. આમ પાયલની છબી ખરાબ થાય તે પ્રકારની ટીપ્પણી એજાઝે વીડીયોમાં કરી છે.