સાઉથની એક્ટ્રેસ પાયલ ઘોષ દ્વારા ફિલ્મમેકર અનુરાગ કશ્યપ પર રેપનો આરોપ લગાવ્યા બાદ મુંબઈ પોલીસે તેને સમન્સ મોકલ્યું છે. મુંબઈ પોલીસે અનુરાગ કશ્યપને 1 ઓક્ટોબરે સવારે 11 વાગ્યે વર્સોવા પોલીસ સ્ટેશન પૂછપરછ માટે બોલાવ્યો છે.
અનુરાગ કશ્યપને મુંબઈ પોલીસે સમન્સ પાઠવ્યું
1 ઓક્ટોબરે વર્સોવા પોલીસ સ્ટેશન પૂછપરછ માટે બોલાવ્યો
અનુરાગે આ તમામ આરોપો નિરાધાર ગણાવ્યા
ત્યારે પાયલે ટ્વિટ કરીને લખ્યું- મુંબઈ પોલીસનો આભાર કે તેમણે અનુરામ કશ્યપને વર્સોવા પોલીસ સ્ટેશન બોલાવ્યો. આશા રાખું છું કે, ન્યાયની જીત થશે. તમને જણાવી દઈએ કે, 22 સપ્ટેમ્બરે એટલે કે 9 દિવસ પહેલાં સાઉથની ફિલ્મોમાં કામ કરી ચૂકેલી એક્ટ્રેસે અનુરાગ કશ્યપ સામે મુંબઈના વિક્રોલી પોલીસ સ્ટેશનમાં રેપનો કેસ ફાઈલ કરાવ્યો હતો.
Thank you @MumbaiPolice ... @anuragkashyap72 has been called tomorrow at versova police station for summoning and questioning. Let's hope justice prevails....!!
એક્ટ્રેસનો આરોપ છે કે કશ્યપે 2013માં વર્સોવામાં યારી રોડના એક લોકેશન પર તેનો રેપ કર્યો હતો. તેની સાથે ખરાબ વર્તન અને એક મહિલાનું અપમાન કર્યું હતું. જે હેઠળ પોલીસ અનુરાગ વિરુદ્ધ દુષ્કર્મનો કેસ નોંધ્યો હતો.
અનુરાગે આ આરોપોને પાયાવિહોણા ગણાવ્યા
હાલમાં જ અનુરાગ કશ્યપે કેટલાક ટ્વિટ કર્યા અને પોતાના પર લાગેલા આ ગંભીર આરોપો પર પ્રતિક્રિયા આપી હતી. તેણે ટ્વિટ કરીને લખ્યું- શું વાત છે મને ચુપ કરાવવાની કોશિશમાં આટલો સમય લઈ લીધો. ચલો કંઈ નહીં, મને ચુપ કરાવતા કરાવતા એટલું જૂઠ્ઠું બોલી ગયા કે એક મહિલા તરીકે બીજી મહિલાઓને પણ આમાં ખેંચી લીધી. થોડી તો મર્યાદા રાખો મેડમ. બસ એટલું જ કહીશ કે આ તમામ આરોપો પાયાવિહોણા છે.