તમારા કામનું / ટુ-વ્હીલર કે ગાડીની સર્વિસ કરાવો ત્યારે આ વાતોનું રાખો ખાસ ધ્યાન, વર્ષો સુધી નવું રહેશે વાહન

• સમયાંતરે તમારા વાહનની સર્વિસ કરાવી જરૂરી છે
• સર્વિસ કરાવતા સમયે આ વાતોનું ધ્યાન રાખવું જરૂરી 
• સર્વિસિંગ સાથે લાંબુ થશે આયુષ્ય 

દરેક લોકો પાસે આજકાલ ટુ-વ્હીલર્સ હોય જ છે. દરેક કામ સહેલાઈ થી કરવા અને શહેરના ટ્રાફિકથી બચવા માટે ટુ-વ્હીલર્સ ઘણું સારું રહે છે. જે રીતે આપણે તેનો ઉપયોગ કરી છીએ એ રીતે જ તેનું ધ્યાન રાખવું પણ જરૂરી છે. સમયાંતરે ટુ-વ્હીલર્સની કે ગાડીની સર્વિસ કરાવી જરૂરી છે. ટુ-વ્હીલર્સની કે ગાડીની સર્વિસ કરાવી કેમ જરૂરી છે અને તેને કરાવતા સમયે કઈ વાતોનું ધ્યાન રાખવું એ વિશે આજે અમે તમને જણાવવા જઈ રહ્યા છીએ. 

સર્વિસિંગ સાથે લાંબુ થશે આયુષ્ય 
સતત ચાલતા ચાલતા માણસ સહિત કોઈ પણ એ મશીન થાકી જાય છે અને તે ઘસાય છે. બાઇક, સ્કૂટર કે અન્ય ટુ વ્હીલર પણ વધુ ચાલતા ચાલતા ઘસાવા લાગે છે. જેમ આપણે આપણા શરીરને ફિટ રાખવા માટે કસરત, જિમ, પૌષ્ટિક આહાર અને મસાજ વગેરે કરાવીએ છીએ એવું જ ટુ વ્હીલરનું પણ હોય છે. સમયાંતરે સર્વિસ વાહનને ફિટ રાખે છે. સાથે જ વાહનના માઇલેજ અને બ્રેકને સારી સ્થિતિમાં રાખે છે એટલા માટે જ સમયસર વાહનની સર્વિસિંગ પર ધ્યાન આપવું જરૂરી છે. 

આ વાતોનું રાખો ધ્યાન 
નવું કોઈ પણ વાહન ખરીદ્યા પછી તેની સર્વિસિંગ થોડા સમય માટે ફ્રી હોય છે. આ ફ્રી સર્વિસિંગ વાહન માટે અમુક કિલોમીટર સુધી અથવા અમુક મહિનાના સમયગાળા સુધી હોય છે. ઘણી કંપનીઓ ફ્રીમાં એક કરતાં વધુ સેવાઓ પણ આપે છે જેમાં મોટેભાગે વાહન ધોઈ આપવું, ઓઇલ બદલવું અને ચેકઅપનો સમાવેશ થાય છે. જો આનાથી વધુ કંઈ કરવું હોય તો તેના માટે અલગ-અલગ નિયમો અને સુવિધાઓ હોઈ શકે છે. એટલા માટે સર્વિસિંગ કરાવતા સમયે એ વાતનું ધ્યાન રાખો કે કેટલા સમય સુધી તમે ફ્રીમાં સર્વિસિંગ કરાવી શકો છો.

સારી જગ્યા પર સર્વિસિંગ કરાવો 
જો વાહન ખરીદવના થોડા દિવસોમાં પાર્ટસ સંબંધિત કોઈ સમસ્યા હોય અથવા સ્ટાર્ટ કરતી વખતે કે ડ્રાઇવિંગ કરતી વખતે કોઈ સમસ્યા આવે તો તરત જ ડીલરને જાણ કરો. જો મેન્યુફેક્ચરિંગને લગતી કોઈ સમસ્યા હોય તો તેના પાર્ટ્સ ફ્રી માં બદલી આપે છે. એ વાતનું ખાસ ધ્યાન રાખવું. સાથે જ બને ત્યાં સુધી કંપનીના સૂચવેલા આઉટલેટ્સ પર જ વાહનની સર્વિસ કરાવી જોઈએ. 

ઈન્સ્યોરન્સ, ઓઇલ ચેન્જ અને બ્રેક પર ધ્યાન આપો 
વાહનનું ઈન્સ્યોરન્સ હંમેશા સમયસર રિન્યુ કરાવો અને ઈન્શ્યોરન્સમાં શું કવર કરવામાં આવ્યું છે તે ધ્યાનમાં રાખો. ઈન્સ્યોરન્સ ત્યારે કામમાં આવશે જો તમારે સર્વિસિંગ કરાવતી વખતે કોઈ ભાગ બદલવો હોય અથવા ડેન્ટિંગ-પેઈન્ટિંગનું મોટું કામ કરવું હોય. દરેક વખતે સર્વિસિંગ કરાવતા સમયે ઓઇલ અને બ્રેક ચેક કરો. એન્જિન ઓઈલનો લાંબા સમય સુધી ઉપયોગ કરવાને વાહનને નુકશાન પંહોચે છે. એ જ રીતે બ્રેક ફેઈલ થવાથી પણ અચાનક અકસ્માતનું જોખમ વધી શકે છે, 
 
ટાયર અને બેટરીનું પણ રાખો ધ્યાન 
આજકાલ વાહનોમાં પણ ખૂબ જ સારી ગુણવત્તાના ટાયર મુકવામાં આવે છે પરંતુ સમય જતાં તેને બદલવા પડે છે અને જો તેમાં વારંવાર પંચર થવા લાગ્યું છે તો પણ તેને બદલવાની જરૂર પડે છે.  દરેક સર્વિસિંગ પર ટાયર ચેક કરાવો. સાથે જ વાહનની બેટરી સંપૂર્ણ ચાર્જ થઈ ગઈ છે તેની ખાતરી કરો. સર્વિસિંગ દરમિયાન એ પણ તપાસો કે બેટરી સારી રીતે સાફ થઈ ગઈ છે અને તેનું ઈલેક્ટ્રોલાઈટ લેવલ ઓછું નથી. 

આ વસ્તુનું પણ રાખો ધ્યાન 
અવાજથી લઈને ક્લચ સુધી દરેક વસ્તુનું ધ્યાન રાખવું જરૂરી છે સાથે જ વાહનમાંથી ટૂલકીટ અને અન્ય મોંઘી એસેસરીઝને દૂર કર્યા પછી જ સર્વિસિંગ કરાવો. વાહનને સર્વિસિંગ માટે આપવાના બે દિવસ પહેલા તમારે તમામ બાબતોની નોંધ કરીને રાખવી જોઈએ.