હેલ્થ / કિડનીને ફીટ એન્ડ ફાઇન રાખવા માટે આ વાતોનું રાખો ખાસ ધ્યાન

• કિડનીને સ્વસ્થ રાખવા કરો આ કામ
• ડાયટમાં કરો કેટલાક ફેરફાર 
• કિડની ખરાબ થઇ જાય તો ટ્રાંસપ્લાન્ટ જરૂરી

કિડની શરીરનુ મહત્વનુ અંગ છે. તેને નહી સાચવો તો તમારે જીવનમાં ઘણી મુશ્કેલી ઉભી થઇ જશે. કારણકે જ્યારે પણ કિડનીની બિમારી થાય છે ત્યારે ડાયાલીસીસથી ટ્રાંસપ્લાન્ટ સુધીની પ્રોસેસ ખુબ જ પિડાદાયક હોય છે. માટે જો તમે આટલી વસ્તુઓ કરશો તો તમારી કિડની રહેશે સ્વસ્થ 

બ્લડ શુગર કંટ્રોલમાં રાખો 
જે લોકોને ડાયાબિટીસ હોય છે કે જેમનુ બ્લડશુગર લેવલ હાઇ હોય છે તે લોકોને કિડનીની બિમારી થવાની શક્યતાઓ વધી જાય છે. આ કારણે તમારે શુગર કંટ્રોલમાં રાખવુ જોઇએ જેથી તમારી કિડની સ્વસ્થ રહેશે. 

બ્લડ પ્રેશર 
બ્લડ પ્રેશર એટલે કે બીપી જો કંટ્રોલમાં નહી રહે તો પણ તમારી કિડની પર અસર થાય છે. કિડનીની બિમારી થાય અને બાદમાં કિડની ફેઇલ થઇ જાય છે. ક્ષતિગ્રસ્ત લોહીને તે સરખી રીતે ફિલ્ટર ન કરી શકે માટે તમારે કિડનીનુ ખાસ ધ્યાન રાખવુ જોઇએ. 

નિયમિત રીતે પાણી પીવુ જોઇએ
રોજ તમારે 8 થી 10 ગ્લાસ પાણી પીવુ જોઇએ. પાણી પીવાથી તમારી કિડની સક્રિય રહે છે અને જો તમે વધારે પડતુ પાણી પીવો છો તો તે પણ નુકસાનકારક છે. કિડનીમાં રહેલ સોડિયમ અને વિષાક્ત પદાર્થો બહાર કાઢવામાં પાણી મદદ કરે છે અને તમારી કિડની સ્વસ્થ રહે છે.

સ્વસ્થ અને સંતુલિત ડાયટ 
કિડનીને સ્વસ્થ રાખવા માટે તમારે સ્વસ્થ અને સંતુલિત ડાયટ રાખવુ જોઇએ. એવી ચીજો ખાઓ જેમાં પ્રાકૃતિક રીતે સોડીયમની માત્રા ઓછી હોય. જેમકે કોબી, બ્લૂબેરીઝ, માછલી, રાજમા, નટ્સ વગેરે. જમવામાં ઉપરથી ક્યારેય મીઠુ ન નાંખવુ જોઇએ. 

ધુમ્રપાનને કહો અલવિદા
સ્મોકિંગ કરવાથી શરીરની રક્તવાહીકાઓ ક્ષતિગ્રસ્ત થઇ જાય છે. જેના કારણે કિડની સહિત અન્ય અંગો પર પણ અસર થાય છે. સ્મોકિંગથી કેન્સરનો ખતરો પણ વધી જાય છે.