ઇન્કમ ટેક્સ રિટર્ન ફાઇલ કરવાની છેલ્લી તારીખ 31મી ડિસેમ્બર છે. ITR ફાઇલિંગને ઝડપી બનાવવા માટે કેન્દ્ર સરકાર દ્વારા વિવિધ પદ્ધતિઓ અપનાવવામાં આવી રહી છે.
31 ડિસેમ્બર સુધી ઇન્કમટેક્સ ભરી દો
ઇન્કમ ટેક્સ ભરીને જીતો બુલેટ
31 તારીખ સુધી જ આ ઓફર લાગૂ
આવી જ એક પદ્ધતિ ભારત સરકારના ઈલેક્ટ્રોનિક્સ અને ઈન્ફોર્મેશન ટેક્નોલોજી મંત્રાલય દ્વારા અપનાવવામાં આવી છે.
મંત્રાલય હેઠળના કોમન સર્વિસ સેન્ટરોએ એક ઓફર લોન્ચ કરી છે. આ ઑફર હેઠળ, ગ્રામ્ય સ્તરના સાહસિકો અથવા VLEs ને 31 ડિસેમ્બર, 2021 સુધીમાં 1000 આવકવેરા રિટર્ન એટલે કે ITR ફાઇલ કરવા માટે કહેવામાં આવ્યું છે.
જે પણ VLEs આ ધ્યેય હાંસલ કરે છે, નસીબદાર વિજેતાઓને રોયલ એનફિલ્ડ બુલેટ જીતવાની તક મળશે. કોમન સર્વિસ સેન્ટરના ટ્વિટર એકાઉન્ટ પર આપવામાં આવેલી માહિતી અનુસાર , VLE 1 લાખ રૂપિયા સુધીનું કમિશન પણ જીતી શકે છે.
ડેડલાઈન વધી શકે છે
તમને જણાવી દઈએ કે ITR ફાઈલ કરવાની અંતિમ તારીખ 31 ડિસેમ્બર 2021 છે. જો કે, આ સમયમર્યાદા હજુ પણ લંબાવી શકાય છે. આનું કારણ અપેક્ષા કરતા ઓછું ITR ફાઇલિંગ છે. આવકવેરા વિભાગના જણાવ્યા અનુસાર, 23 ડિસેમ્બર સુધી કુલ 4,20,29,919 ITR ફાઇલ કરવામાં આવ્યા છે. તેમાંથી 10,96,557 ITR 23 ડિસેમ્બરે જ ફાઈલ કરવામાં આવ્યા છે. આ સંખ્યા એક વર્ષ પહેલા કરતા ઘણી ઓછી છે.