સિંગીંગ રિયાલીટી શો ઇન્ડીયન આઇડલ 12 સતત ચર્ચામાં છે. રિયાલીટી શોની આ સિઝન વિવાદની સિઝન બની ગઇ હોય તેવું લાગી રહ્યું છે.
પવનદીપે કરી મોટી ભૂલ
મેકર્સ પર ઉઠ્યા સવાલ
ધર્મેન્દ્ર સ્પેશ્યલ એપિસોડમાં થઇ ભૂલ
શોની આ સિઝન સતત વિવાદોમાં રહી છે અને શો પર વિનર ફિક્સ થવાથી લઇને દુખભરી કહાણીઓને બઢાવા આપવા સુધીના આરોપ લાગ્યા છે. આટલુ બધુ થયા બાદ પણ ફાઇનલ સુધી TRP અને ઉત્સાહ બની રહ્યો છે. ગયા અઠવાડીયે આશીષ કુલકર્ણી શોથી બહાર થઇ ગયો હતો. હવે શોમાં શન્મુખપ્રિયા, મોહમ્મદ દાનિશ, સયાલી કામ્બલે, પવનદીપ રાજન અને અરુણિતા કાંજીલાલ ટોપ 6 કન્ટેસ્ટન્ટ બનીને સામે આવ્યા છે.
ખુબ જલ્દી શોને તેના ટોપ 3 કન્ટેસ્ટન્ટ મળી જશે. બાદમાં તે જોવું રસપ્રદ રહેશે કે ટ્રોફી કોણ લઇ જાય છે. આ પરિસ્થિતિ વચ્ચે પવનદીપથી એક મોટી ભૂલ થઇ ગઇ છે. જેના કારણે લોકોએ ક્યાસ લગાવવા શરૂ કરી દીધા છે કે તો શોમાંથી બહાર થઇ શકે છે.
ગયા રવીવારે ધર્મેન્દ્ર અને અનીતા રાજ સ્પેશ્યલ ગેસ્ટ બનીને શોમાં પહોંચ્યા હતા. તે દરમિયાન દરેકે ધર્મેન્દ્રના ગીત ગાયા હતા અને પવનદીપ ઇમોશનલ થઇ ગયો હતો. ચાલુ ગીતે પવનદીપ શોના લીરીક્સ ભૂલી ગયો હતો. આ જોયા બાદ હિમેશ, જજીસ અને ધર્મેન્દ્ર પણ હેરાન રહી ગયો હતો.
પવનદીપ ગીતની લાઇન ભૂલી ગયો ત્યારે સયાલીએ વાતને સંભાળતા આગળની લાઇન ગાઇ હતી જે બાદ પવનદીપને આગળની લાઇન યાદ આવી ગઇ હતી. જે બાદ તેણે ગીત તો ગાયુ પરંતુ પોતાના આ પફોર્મન્સથી દુઃખી થઇ ગયો હતો. ધર્મેન્દ્રએ કહ્યું કે, તારો અવાજ ખુબ રેશમી છે અને તું ખુબ પ્રેમાળ છે.
સોશ્યલ મિડીયા પર અલગ અલગ પ્રકારના ક્યાસ લગાવવામાં આવી રહ્યાં છે. કેટલાક લોકો કહી રહ્યાં છે કે પવનદીપ ખુબ ટેલેન્ટેડ વ્યક્તિ છે તે ક્યારેય લિરીક્સ ભૂલી જ ન શકે. આ લેવલ પર આવીને લિરીક્સ ભૂલવા જેવી ભૂલ તે ન કરી શકે. તો બીજી તરફ લોકો કહી રહ્યાં છે તે હવે કોઇની પણ દુઃખભરી કહાણી બાકી રહી નથી માટે મેકર્સ આ પ્રકરના સ્ટન્ટ કરીને TRP લાવવાના પાંગળા પ્રયાસો કરી રહી છે.