એક્ટર રાજકુમાર રાવ અને તેની પત્ની પત્રલેખા લગ્ન કરીને મુંબઇ પરત આવી ગયા છે. કપલના વેડિંગની તસવીરો સોશ્યલ મીડિયા પર વાયરલ થઇ રહી છે એવામાં જ પત્રલેખાને ટ્રોલ કરવામાં આવી છે.
પત્રલેખા થઇ જબરી ટ્રોલ
રાજકુમારની પત્નીની સાડી જોઇને લોકો ભડક્યા
સોશ્યલ મીડિયા પર વાયરલ થઇ રહ્યો છે વીડિયો
પત્રલેખા પ્રાઇસ ટેગ હટાવવાનું ભૂલી ગઈ
જ્યારે કપલ પરત ફર્યું ત્યારે એરપોર્ટ પર પાપારાઝી પહોંચી ગયા હતા. ત્યારે પત્રલેખાએ લાલ રંગની સાડી પહેરી હતી અને પ્રાઇસ ટેગ હટાવવાનું ભૂલી ગઇ હતી. યુઝર્સે પત્રલેખાની સાડીમાં પ્રાઇસ ટેગ જોયો, અને તેને ટ્રોલ કરવાનું શરૂ કરી દીધું. એક યુઝરે લખ્યું, 'પ્રાઇસ ટેગ તો હટાવવું હતું'. અન્ય યુઝરે ટિપ્પણી કરી, 'પ્રાઈસ ટેગ તો કાઢવું હતુ મેડમ'.
રાજકુમારને આપ્યું આ પ્રોમિસ
પત્રલેખા ખૂબ જ સુંદર લાગી રહી હતી. પરંતુ લોકોનું ધ્યાન અભિનેત્રીની ચુનારી પર ગયું, જેમાં બંગાળી ભાષામાં કંઈક લખેલું છે. આ જોઈને લોકોએ ગુગલ બાબાની મદદ લેવાનું શરૂ કર્યું અને પત્રલેખાનું વચન જાણ્યું જે તેણે પોતાની ચુનરીમાં રાજકુમાર માટે કર્યું હતું. પત્રલેખાએ લખ્યું હતું - 'अमर पोरन भौरा भालोबासा अमी तोमे सोमोरपोन कोरिलम', જેનો હિન્દીમાં અર્થ થાય છે - 'પ્રેમથી ભરેલા હૃદય સાથે, હું મારી જાતને તમને સોંપું છું.'
સબ્યસાચી લહેંગો
તમને જણાવી દઈએ કે પત્રલેખાએ તેના લગ્નના ખાસ અવસર પર સબ્યસાચી લહેંગો પહેર્યો હતો. પત્રલેખાના ખૂબ જ નજીકના મિત્રએ ખુલાસો કર્યો છે કે પત્રલેખા હંમેશા તેના લગ્નમાં સબ્યસાચીનો લહેંગો પહેરવાનું સપનું જોતી હતી. અગાઉ, જ્યારે સબ્યસાચીએ દીપિકાનો લહેંગો ડિઝાઇન કર્યો હતો, ત્યારે તેણે તેમાં સૌભાગ્યવતી ભવ પણ લખ્યું હતો.
11 વર્ષથી રિલેશનશિપમાં છે
વર્ષ 2014માં બંનેએ ફિલ્મ 'સિટી લાઈટ્સ'માં સાથે કામ કર્યું હતું. પત્રલેખાની આ ડેબ્યુ ફિલ્મ હતી. આ ફિલ્મ સાથે જ બંનેની મિત્રતા અને પ્રેમની શરૂઆત થઈ અને આખરે 11 વર્ષના પ્રેમ બાદ આજે બંને લગ્નના બંધનમાં બંધાઈ ગયા છે. બંને ઘણા સમયથી લિવ ઇન રિલેશનશીપમાં રહે છે. રાજકુમાર રાવે પહેલીવાર પત્રલેખાને એક જાહેરાત ફિલ્મમાં જોઇહતો, ત્યારથી તે પત્રલેખાને પસંદ કરવા લાગ્યો હતો.