રાજકુમાર રાવ અને પત્રલેખાના લગ્ન હાલમાં ખુબ ચર્ચામાં છે. 11 વર્ષ સુધી રિલેશનશીપમાં રહ્યાં બાદ તેઓએ લગ્ન કરી જ લીધા છે.
રાજકુમાર રાવની માંગ પત્રલેખાએ ભરી
બંનેએ કહ્યું અમારો જન્મો જન્મોનો સંબંધ
સોશ્યલ મીડયા પર વાયરલ થઇ રહ્યો છે વીડિયો
સોશ્યલ મીડિયા પર વીડિયો વાયરલ
રાજકુમાર રાવે સોશ્યલ મીડિયા પર એક વીડિયો પોસ્ટ કર્યો છે જેમાં તેણે પોતાના લગ્નના ગ્લિમ્પ્સ મૂક્યા છે. જેમાં મંડપથી લઇને લગ્ન સુધીની ક્લિપ્સ મુકી છે. આ વીડિયોમાં જ આપણે જોઇ શકીએ છીએ કે પત્રલેખાએ પણ રાજકુમાર રાવની માંગ ભરી હતી.
જન્મોનો સંબંધ...
લગ્નના મંડપમાં પત્રલેખા રાજકુમારને કહે છે રાજ, 11 વર્ષ થયા પરંતુ મને એવું લાગે છે કે હું તને વર્ષોથી જાણુ છુ. મને ભરોસો છે કે આ ઘણા જન્મોની વાત છે. વીડિયોમાં વોઇસઓવર તરીકે રાજકુમારનો અવાજ આવે છે. જેમાં તે કહે છે કે 10-11 વર્ષ થઇ ગયા પરંતુ એવું લાગે છે કે અમે હમણા હમણા જ ડેટ કરવાનું શરૂ કર્યું હોય. અમે એકબીજાની કંપની એટલી પસંદ કરીએ છીએ કે અમને લાગ્યું પતિ-પત્ની જ બની જઇએ.
પત્રલેખા પ્રાઇસ ટેગ હટાવવાનું ભૂલી ગઈ
જ્યારે કપલ પરત ફર્યું ત્યારે એરપોર્ટ પર પાપારાઝી પહોંચી ગયા હતા. ત્યારે પત્રલેખાએ લાલ રંગની સાડી પહેરી હતી અને પ્રાઇસ ટેગ હટાવવાનું ભૂલી ગઇ હતી. યુઝર્સે પત્રલેખાની સાડીમાં પ્રાઇસ ટેગ જોયો, અને તેને ટ્રોલ કરવાનું શરૂ કરી દીધું. એક યુઝરે લખ્યું, 'પ્રાઇસ ટેગ તો હટાવવું હતું'. અન્ય યુઝરે ટિપ્પણી કરી, 'પ્રાઈસ ટેગ તો કાઢવું હતુ મેડમ'.
રાજકુમારને આપ્યું આ પ્રોમિસ
પત્રલેખા ખૂબ જ સુંદર લાગી રહી હતી. પરંતુ લોકોનું ધ્યાન અભિનેત્રીની ચુનારી પર ગયું, જેમાં બંગાળી ભાષામાં કંઈક લખેલું છે. આ જોઈને લોકોએ ગુગલ બાબાની મદદ લેવાનું શરૂ કર્યું અને પત્રલેખાનું વચન જાણ્યું જે તેણે પોતાની ચુનરીમાં રાજકુમાર માટે કર્યું હતું. પત્રલેખાએ લખ્યું હતું - 'अमर पोरन भौरा भालोबासा अमी तोमे सोमोरपोन कोरिलम', જેનો હિન્દીમાં અર્થ થાય છે - 'પ્રેમથી ભરેલા હૃદય સાથે, હું મારી જાતને તમને સોંપું છું.'
11 વર્ષથી રિલેશનશિપમાં છે
વર્ષ 2014માં બંનેએ ફિલ્મ 'સિટી લાઈટ્સ'માં સાથે કામ કર્યું હતું. પત્રલેખાની આ ડેબ્યુ ફિલ્મ હતી. આ ફિલ્મ સાથે જ બંનેની મિત્રતા અને પ્રેમની શરૂઆત થઈ અને આખરે 11 વર્ષના પ્રેમ બાદ આજે બંને લગ્નના બંધનમાં બંધાઈ ગયા છે. બંને ઘણા સમયથી લિવ ઇન રિલેશનશીપમાં રહે છે. રાજકુમાર રાવે પહેલીવાર પત્રલેખાને એક જાહેરાત ફિલ્મમાં જોઇહતો, ત્યારથી તે પત્રલેખાને પસંદ કરવા લાગ્યો હતો.