BIG NEWS / પટનાઃ ગંગા નદીમાં મોટી દુર્ઘટના, બોટમાં સિલિન્ડરમાં બ્લાસ્ટ થતાં 4 લોકોના મોત, અનેક લોકો ગંભીર રીતે ઘાયલ

• પટનામાં મોટી દુર્ઘટના
• ગંગા નદીમાં હોડીમાં થયો બ્લાસ્ટ
• આ દુર્ઘટનામાં 4 લોકોના મોત

બિહારની રાજધાની પટનામાં શનિવારે બપોરે મોટી દુર્ઘટના થઈ ગઈ હતી. અહીં ગંગા નદીમાં પાણીની વચ્ચે હોડીમાં બ્લાસ્ટ થતાં 4 લોકોના મોત થઈ ગયા છે. આ ભયંકર દુર્ઘટનામાં કેટલાય લોકો ઘાયલ પણ થયા છે. હોડી પર કુલ 20 જેટલા લોકો સવાર હતા. ઘટનાની જાણ થતાં જ પોલીસ પ્રશાસન ત્યાં પહોંચી અને રેસ્ક્યૂ ઓપરેશન હાથ ધર્યું હતું.

Bihar | Five labourers died when a fire broke out in their boat at Rampur Diyara ghat in Patna.

Police say, "It's being said there was a cylinder explosion, but that's not the case. They were cooking near few diesel canisters, so a fire broke out. They are yet to be identified" pic.twitter.com/Ot4O8IOx9W

— ANI (@ANI) August 6, 2022

કહેવાય છે કે, હોડી દ્વારા ગેરકાયદેસર રીતે રેતી એક જગ્યાએ બીજી જગ્યાએ પહોંચાડવામાં આવતી હતી. આ દરમિયાન ખનન સાથે જોડાયેલ લોકો હોડી પર જ ખાવાનું બનાવી રહ્યા હતા. તે જ સમયે અચાનક ગેસ લીક થતાં ગેસ સિલેન્ડરમાં બ્લાસ્ટ થયો. ઘટનાની જાણ થતાં ત્યાં પહોંચેલા પોલીસ અધિકારીઓએ જણાવ્યું હતું કે, આ ઘટનામાં 4 લોકોના મોત થયા છે. 

સૂચના મળ્યા બાદ ઘટનાસ્થળ પર પહોંચેલા મનેર પોલીસ સ્ટેશનના અધિકારીઓએ 4 લોકોના મોતની પુષ્ટિ કરી હતી. આ ઘટનામાં કેટલાય સવારો ઘાયલ થયા હોવાની સૂચના પણ મળી છે. બાદમાં ઘાયલ લોકોને સારવાર માટે હોસ્પિટલમાં ખસેડવામા આવ્યા હતા. ઘાયલ લોકોનો હાલમાં કોઈ સત્તાવાર આંકડો સામે આવ્યો નથી.