પટનામાં બિસ્કોમાન તંત્રને સસ્તા ભાવે ડુંગળી વેચવાનો નિર્ણય ભારે પડ્યો છે. સસ્તા ભાવે વેચાણ થતા મોટી સંખ્યામાં લોકો ડુંગળી ખરીદવા માટે પહોંચ્યા હતા. 35 રૂપિયા કિલોના ભાવથી તંત્ર દ્વારા ડુંગળી આપવામાં આવી રહી છે. મોટી સંખ્યામાં લોકો ઉમટ્તા તંત્ર દ્વારા મોબાઈલ વાનથી ડુંગળી વેચવાનો નિર્ણય લેવાયો છે.
સસ્તા ભાવે ડુંગળીનું વેચાણ
બિહારમાં બિસ્કોમાન મોબાઈલ વાનથી વેચી રહ્યું છે ડુંગળી
વ્યક્તિ દીઠ 35 રૂપિયા કિલોના ભાવે અપાય છે ડુંગળી
35 રૂપિયા પ્રતિ કિલોના વેચાણથી મોબાઈલ વેનથી તંત્ર દ્વારા ડુંગળીનું વેચાણ કરવામાં આવી રહ્યું છે. અગાઉ તંત્ર દ્વારા બિસ્કોમાન ટાવરની નીચે 15 કાઉન્ટર લગાવવામાં આવ્યા હતા. રાત્રે આઠ વાગ્યા સુધી લોકોને તંત્ર દ્વારા 35 રૂપિયા પ્રતિ કિલોના ભાવે ડુંગળી આપવામાં આવી હતી.
ગુરૂવારે 70 હજાર કિલો ડુંગળીનું વેચાણ
જોકે ડુંગળી વેચવાનો સમય સાંજે પાંચ વાગ્યા સુધીનો હતો પરંતુ લોકોની સંખ્યા વધુ હોવાના કારણે તંત્ર દ્વારા આઠ વાગ્યા સુધી ડુંગળી વેચવામાં આવી હતી. આ મામલે સંસ્થાના અધ્યક્ષ ડૉ સુનિલ કુમારે પ્રતિક્રિયા આપી કે, લાઈનમાં લાગેલા લોકો નિરાશ ન થાય તે માટે આઠ વાગ્યા સુધી ડુંગળીનું વેચાણ કરવામાં આવ્યું. ગુરૂવારે 70 હજાર કિલો ડુંગળીનું વેચાણ કરવામાં આવ્યું.
મોબાઇલ નંબર પર કૂપન આપી વેચાવામાં આવી રહી છે ડુંગળી
બિસ્કોમાન અધ્યક્ષના જણાવ્યા મુજબ રાજસ્થાનથી ડુંગળી મંગાવવામાં આવી હતી. જેની કિંમત 60 રૂપિયા પ્રતિકિલો પડી હતી જો કે, તે 35 રૂપિયાના પ્રતિકિલોના ભાવથી વેચવામાં આવી હતી.
શું ડુંગળીને આધાર સાથે લિંક કરવામાં આવશે ?
કેટલાક લોકોએ આ પગલાના વખાણ કર્યા હતા. તો કેટલાક લોકો ભલે મજાક કરી રહ્યા હોય પરંતુ સવાલ એ ઉભો થાય છે કે, શું ડુંગળીને આધાર સાથે લિંક કરવામાં આવશે ? નોંધનીય છે કે, બિસ્કોમોન અને નાફેડ દ્વારા પટનામાં સસ્તા દરમાં ડુંગળી વહેંચવા માટે 35 કાઉન્ટર બનાવવામાં આવ્યા છે. હાલ પટનાના ખુદરા બજારમાં ડુંગળીની કિંમત 70-80 રૂપિયા પ્રતિકિલો પહોંચી ગયું છે.