બિહારમાં કોરોનાની ત્રીજી લહેરની આશંકા બની રહી છે ત્યારે પટનામાં 8 વર્ષના બાળકનો કેસ ડોક્ટર્સ માટે ચેલેન્જ બન્યો છે. તેના 90 ટકા ફેફસા ખરાબ છે, કિડની અને લિવર પણ સંક્રમિત છે. RTPCR અને એન્ટીજનમાં પણ કોરોના પકડાયો નહીં.
બિહારમાં કોરોનાની ત્રીજી લહેરની આશંકા
8 વર્ષના બાળકનો કેસ ડોક્ટર્સ માટે ચેલેન્જ બન્યો
90 ટકા ફેફસા ખરાબ છે, કિડની અને લિવર પણ સંક્રમિત
RTPCR, એન્ટીજનમાં પણ કોરોના પકડાયો નહીં
બિહારની રાજધાની પટનાના IGIMSમાં 8 વર્ષના છોકરાની સારવાર ચાલી રહી છે. તેના 90 ટકા ફેફસા ખરાબ થઈ ચૂક્યા છે અને સાથે કિડની અને લિવર પણ સંક્રમિત થયા છે. RTPCR, એન્ટીજનમાં પણ કોરોના પકડાયો નહીં. આ કારણે તેની હાલત વધારે ખરાબ થઈ છે. ડોક્ટર્સ પણ હેરાન છે અને તેમના માટે આ કેસ ચેલેન્જ સમાન છે. બિહારના દરભંગામાં 24 કલાકમાં 4 બાળકોના મોતથી સ્વાસ્થ્યકર્મીઓને મુશ્કેલી આવી રહી છે. આ મોતથી અહીં કોરોનાની ત્રીજી લહેરની અસરની શક્યતા વર્તાઈ રહી છે.
નવા કેસના કારણે વધી ડોક્ટર્સમાં પણ ચિંતા
હવે કોરોનાના નવા કેસ આવી રહ્યા છે ત્યારે સિવાનના 8 વર્ષના બાળકે ડોક્ટર્સની ચિંતા પણ વધારી છે. હેરાનીની વાત એ છે કે આ બાળકના 90 ટકા ફેફસા ખરાબ થઈ ગયા છે અને સાથે જ કિડની અને લિવર પણ સંક્રમિત થયા છે. સોથી મોટી વાત એ છે કે આરટીપીસીઆર અને એન્ટીજન ટેસ્ટમાં પણ કોરોના પકડાયો નહીં અને રિપોર્ટ નેગેટિવ આવતા સંક્રમણ વધ્યું હતું. સીટી સ્કેનથી આ કેસમાં નવો વળાંક આવ્યો છે અને બાળકની સારવાર શરૂ કરવામાં આવી છે.
10 દિવસ પહેલા લાવવામાં આવ્યો હતો બાળક
હવે અહીં ડોક્ટર્સની મહેનત સફળ થઈ રહી છે. આઈજીઆઈએમએસના સુપરિટેન્ડન્ટ ડો. મનીષ મંડળના અનુસાર સિવાનને 22 મેના રોજ અહીં લવાયો હતો. તેને પ્રારંભિક રીતે તાવની સાથે ખાંસીની ફરિયાદ હતી. ફેફસા ફૂલેલા હોવાથી તેને ઈમરજન્સીમાં શિફ્ટ કરાયો હતો. અહીં શરીરના અન્ય અંગો પણ સંક્રમિત જોવા મળ્યા અને બાળકનો જીવ જોખમમાં જણાતા ડોક્ટર્સની ચિંતા વધી. ડોક્ટર્સે બાળકની હાલત જોઈને કોરોનાની ત્રીજી લહેરની ચિંતા વ્યક્ત કરી છે.
બાળકની સ્થિતિ સુધારા પર
બાળકની નાજુક સ્થિતિ જોઈને ડોક્ટર્સ પણ સારવારમાં લાગ્યા હતા અને તેમની મહેનત રંગ લાવી છે. બાળકને એન્ટીબાયોટિક્સ સિવાય રેમડીસિવિર ઈન્જેક્શન અને સ્ટીરોઈડની સાથે નેબુલાઈઝેશન અપાયું. 16 લિટર પ્રતિ મિનિટના આધારે ઓક્સીજન અપાયો. હવે ટીમની મહેનત સફળ થઈ છે. તે પહેલાની જેમ હવે ભોજન લઈ શકે છે અને વાતચીત પણ કરી શકે છે.