હત્યા / જનતા દળ રાષ્ટ્રવાદી પાર્ટીના ઉમેદવાર નારાયણ સિંહની ગોળી મારી હત્યા, લોકોએ 1 હુમલાખોરને મારી નાખ્યો

• જનતા દળ રાષ્ટ્રવાદી પાર્ટીના ઉમેદવાર નારાયણ સિંહની ગોળી મારીને હત્યા
• દસ હુમલાખોરોએ એકસાથે કર્યું ફાયરિંગ
• 2 સમર્થકોને પણ વાગી ગોળી, હુમલાખોર ફરાર

દસ હતા હુમલાખોર

પ્રત્યક્ષદર્શીઓના જણાવ્યા અનુસાર ચૂંટણી પ્રચાર માટે ગયેલા નારાયણના કાફલા પર અચાનક દસ હથિયારધારી લોકોએ હુમલો કરી દીધો. આ દરમિયાન તેઓએ તાબડતોડ ફાયરિંગ કર્યું. હુમલામાં નારાયણ સિંહ અને તેમના એક સાથીનું મોત થઈ ગયું. બીજી તરફ બે અન્ય લોકોની હાલત પણ નાજુક હોવાનું કહેવાય છે.

#UPDATE Bihar: Janta Dal Rashtrawadi Party's candidate for #BiharElections, Narayan Singh - who was shot at in Hathsar village of Sheohar district - succumbs to his injuries. Two of his attackers arrested and admitted to hospital after they were injured. https://t.co/2echQZYpk6 pic.twitter.com/CAegbE5id1

— ANI (@ANI) October 24, 2020

એક હુમલાખોરને ભીડે મારી નાખ્યો

ગોળીબાર કર્યા બાદ હુમલાખોર ત્યાંથી ફરાર થઈ રહ્યા હતા, આ દરમિયાન ગામ લોકોએ સાહસ દર્શાવી એકને પકડી પાડ્યો. ગામ લોકોએ હુમલાખોરને મારી-મારીને અધમુઓ કરી દીધો. ઘટનાસ્થળ પર પહોંચી પોલીસે કોઈક રીતે હુમલાખોરને છોડાવીને હોસ્પિટલમાં દાખલ કરાવ્યું, જ્યાં તેનું સારવાર દરમિયાન મોત થયું. 

અચાનક જ થવા લાગ્યું હતું ફાયરિંગઃ પ્રત્યક્ષદર્શી

હુમલા દરમિયાન નારાયણ સિંહની સાથે ઉપસ્થિત અભય કુમારે જણાવ્યું કે પ્રચાર દરમિયાન ગામમાં હતા. આ દરમિયાન દસથી 15 લોકો અચાનક આવ્યા અને મારી દો મારી દો બૂમો પાડવા લાગ્યા. આ દરમિયાન અચાનક ગોળીઓ છૂટવા લાગી. આ દરમિયાનમાં હું નેતાજીની પાછળ હતો. નેતાજીને પણ ગોળી વાગી અને તેઓ અચાનક પડી ગયા. ત્યારબાદ ગોળી મને પણ વાગી. અભયે જણાવ્યું કે તાબડતોડ ફાયરિંગ કર્યા બાદ હુમલાખોર ત્યાંથી ફરાર થઈ ગયા. આ દરમિયાન ઘટનાસ્થળે અફરાતફરી મચી ગઈ.