નિવેદન / મોદી સરકારના આ નિર્ણયમાં ફેરફાર કરવા પાટીલની માંગ, કહ્યું અમે મક્કમ રજૂઆત કરી છે 

• કાપડમાં GSTમાં વાધારાને લઇ સી.આર.પાટીલનું નિવેદન 
• 12 ટકાના બદલે 5 ટકા જ GST હોવું જોઈએઃ પાટીલ 
• અમે મક્કમ રજૂઆત કરી છેઃ પાટીલ 

કાપડમાં GSTમાં વાધારાને લઇ સી.આર.પાટીલનું નિવેદન 

સુરતના સરથાણા ખાતે ગુજરાત પ્રિ-વાયબ્રન્ટ સમિટમાં ગુજરાત ભાજપ પ્રદેશના પ્રમુખ સી.આર.પાટીલે એક મોટું નિવેદન આપ્યું હતું. જેમાં તેઓએ જણાવ્યું કે, સરકાર દ્વારા કાપડાના ઉદ્યોગ પર લાગેલા 12 જીએસટીના દરને બદલે 5 ટકા જીએસટીનો દર હોવો જોઈએ આ અંગે સરકાર સમક્ષ મક્કમતાથી રજૂઆત કરી છે.  
 
પ્રિ-વાયબ્રન્ટ સમિટીમાં  સી.આર.પાટીલે શું કહ્યું? 

પ્રિ-વાયબ્રન્ટ સમિટીમાં સી.આર.પાટીલે નિવેદન આપતાં કહ્યું હતું કે, અમે કેન્દ્ર સરકાર સમક્ષ કાપડ પર જીએસટીના દર ઘટાડીને 5 ટકા જેટલા કરવા જોઈએ.આ અંગે અમે સાથે સરકાર સમક્ષ મળીને મક્કમતાથી રજૂઆત કરી છે. બીજી તરફ આ મામલે રાજ્યના મુખ્યમંત્રી આજે સરકારને પત્ર લખશે જેમાં કેન્દ્ર સરકારને જણાવાશે કે, સરકારે કાપડ પર 12 ટકા જીએસના બદલે 5 ટકા જીએસટી રાખવું જોઈએ. તેમણે વધુમાં  ઉમેર્યું કે, કેન્દ્ર સરકારના સહયોગથી ખૂબ ઝડપથી સુરત નજીક ટેક્સટાઈલ પાર્ક બનાવાશે મહત્વનું છે કે,સ્પર્ધામાં ટકી રહેવા રિસોર્સિસનો ઉપયોગ કરવો જોઈએ