પાટીદાર આગેવાન દિલીપ સાબવાએ રાજકીય વાતાવરણમાં ગરમાવો લાવી દીધો છે. દિલીપ સાબવાએ હાર્દિક પટેલ પર આજે કેટલાક આક્ષેપો કર્યા છે. ત્યારે તેમનો કથિત વીડિયો વાયરલ થયો છે.
પાટીદાર અગ્રણી દિલીપ સાબવાનો વિડીયો વાયરલ થયો છે. દિલીપ સાબવા દારૂના નશામાં હોવાનો વિડીયો વાયરલ થયો છે. દિલીપ સાબવા સાથે વિડીયોમાં યુવતીઓ પણ જોવા મળી રહી છે.
મહત્વનું છે કે, આજે પત્રકાર પરિષદ કરીને દિલીપ સાબવાએ પાસની ટીમ પર આક્ષેપ કર્યા હતા. જોકે, ત્યાર બાદ હવે દિલીપ સાબવાનો જ વિડીયો વાયરલ થતા રાજકારણમાં ગરમાવો આવ્યા છે. આપને જણાવી દઈએ કે, Vtv આ વાયરલ વિડીયોને સમર્થન નથી કરતું.
શું છે સાબવાના આક્ષેપો પર ધમાસાણ?
દિલીપ સાબવા ગોહિલવાડનો એક એવો પાટીદાર ચહેરો છે જેના પર સમાજનું પ્રભૂત્વ હતુ. પાટીદાર આંદોલનના મુખ્ય ચહેરામાંનો એક ચહેરો હતા. હાર્દિક પટેલનો સુખ-દુઃખનો સાથીદાર. જ્યારે આંદોલન તમામ ચહેરાઓએ હાર્દિકનો સાથ છોડ્યો ત્યારે હાર્દિકની પડખે ઊભો રહેનાર આજે હાર્દિકનો જ દુશ્મન બની ગયો છે. હાર્દિક પટેલ પર જ ગંભીર આક્ષેપ લગાવી રહ્યો છે. લોકસભા ચૂંટણી માટે મતદાનને માત્ર ગણતરીના જ કલાકોની વાર છે. તેવામાં દિલીપ સાબવાએ એવા આક્ષેપ લગાવ્યા કે, વાતાવરણમાં રાજકીય ગરમાવો લાવી દીધો છે. ત્યારે તેમનો કથિત વીડિયો વાયરલ થતા ચર્ચા વ્યાપી છે.