અરવલ્લીમાં હાર્દિક પટેલ-અલ્પેશ કથિરીયાની હાજરીમાં યોજાયું પાટીદાર સંમેલન

અરવલ્લીના બાયડના ચોઈલા ખાતે પાટીદાર અધિકાર સંમેલન યોજાયું. જેમાં પાસ નેતા હાર્દિક પટલે સાથે અલ્પેશ કથિરીયા મનોજ પનારા ગીતા પટેલ વગેરે હાજર રહ્યા. હાર્દિક પટેલે આ દરમિયાન મોદી સરકાર પર આકરા પ્રહાર કરતા કહ્યું કે સરકાર ખેડૂતો માટે કંઈ પણ કરવામાં નિષ્ફળ રહી છે. 



જ્યારે રોજગારી આપવામાં પણ હવાતિયા આવી ગયા છે. ત્યારે નરેન્દ્ર મોદી રાજકોટની લોકસભા લડવાના હોવાથી લોકોને રીઝવવા માટે એમ્સ થકી પ્રયાસ કરી રહ્યા હોય એવું લાગી રહ્યું છે. હાર્દિકે સભામાં લોકોને સંબોધન પણ કર્યું હતું.
 

अरवल्ली ज़िले के बायड़ तहसील में अधिकार महासभा में मौजूद यह जनता भाजपा के सामने अधिकार माँग रही हैं।किसान अपना अधिकार माँगता है तो लाठीचार्ज होता हैं।युवा लड़ता है तो जेल में डाल दिया जाता हैं।किसानी शिक्षा रोज़गार ख़त्म कर भाजपा धर्म की आड़ में सरकार चला रही है जनता बेहाल हैं। pic.twitter.com/XftgOVkqap

— Hardik Patel (@HardikPatel_) January 6 2019

હાર્દિક પટેલે સભાને સંબોધન કરતા કહ્યું કે કેશુબાપા અને અટલજીની ભાજપમાં અમે પહેલા હતા. પણ હવે અમિત શાહ અને નરેન્દ્ર મોદીના ભાજપમાં અમે નથી. ચૂંટણી આવે એટલે લોકો લડાઈ ભૂલી જાય છે. પણ હવે એક થવાની જરૂર છે. નહીંતર અચ્છે દિનની જગ્યાએ ખરાબ દિવસો દેખાવા માંડશે.

ઉલ્લેખનીય છે કે પાટીદાર અગ્રણી અલ્પેશ કથિરીયા જેલમુક્ત થયાં બાદ બાયડના ચોઇલા ખાતે ગતરોજ પાટીદાર અધિકાર સંમેલન યોજાયું હતું. જેમાં હાર્દિક પટેલે સભાને સંબોધન કરતા વર્તમાન મોદી સરકાર પર પ્રહાર કર્યા હતા અને કહ્યું હતું કે સરકાર ખેડૂતો માટે કાંઇપણ કામ કરવામાં નિષ્ફળ ગયેલ છે.